اللي زوجها بيتزوج عليها الحل بيدك

اسفه يابنات وربي ماكنت قادره ارد عليكم وانا جديده بالمنتدا وتمنيت انكم عذرتوني ...
مو مهم الله يسامح الجميع كما اني نوهت الزوجه الثانيه لا تدخل لانها راح تعاني وتتعب .. وانا ماكتبت قصتي حتى اسبب مشاكل بل كتبتها من اجل كل مجروحه شعرت بالعذاب ..لكل من تريد ان تعيد مملكتها قبل وقوع الخطر اما اللي زوجها دخل بالزوجه الثانيه فنصيحه لا تحاول مره انها تتصرف كذا
.
.
نعود للقصه بس ماراح اعيدها جميعها لانو بأي حق حذفت انا حكيت واقعي مو تشويق.. المهم ومثل ماقلت اهو ملك وخبرني بعد ملكته رجعت له لاني احبه حاولت بشتى الطرق انه يرجع لي ويطلقها لاكن دون فايده فقررت اروح عند اهلي .. وقلت هنا مربط الفرس
.
.
اكمل لكم القصه لاكن نصيحه لوجه الله يابنات اللي ازواجهم راح يتزوجو عليهم لا تسمعو كلام امهاتكم وخواتكم وقريباتكم في كيف تقدري تكسري ظهر زوجك عشان يرجع لك والله تندمو مثلي ... جايتكم في القصه
.
.
طبعا انا جلست عند اهلي قرابة اثلاث اشهر وهنا انا اعطيت المجال للبنت انها تستفرد فيه ومن غباوتي كنت دائما إذا كلمني اغثه باسلوبي الذي للاسف جعل بيني وبين حبيبي فجوه بطلب طلاق إلى طلب الموت له .. والله يابنات انا منحرجه كثير من زوجي بسبب تصرفاتي الساذجه واحسه شايل علي حتى لو ما تكلم تخيلو إلى يومي هذا ماعد عطاني سر ولاعاد ياخذ حاجه من عندي صح رجع بس للاسف بعيد عني كثير وانا السبب ماعرفت امسك لساني كل حاجه صارت معنا خبرت فيها امي .. المهم انا عطيت المجال بعد لعذالي يدخلوهم بيننا واهلي وبعض اقاربي وكانو هم سبب تعاستي الان مشوراتهم اللي تقول تطلقي ونعطيك فلان واللي تقول الله يعينك اضغطي عليه واتركيه شوي يمكن يطلقها وامي عادي بنحملك احنا بس ما يهينك كل هذا خلاني اكره زوجي والغيره تحرقني بقلبي وابي انتقم انا وصلت رساله لها طبعا مع مجموعه من صاحباتها بأني راح اتطلق واخليها خدامه لعيالي بس ما فاد فيها... وبعد مرور فتره رحت المستشفى لاني تعبت مره من التفكير وقلة النوم لقيت واحده جزاها الله عني وعنكم الف خير وسألتني اش هذي الحاله فيك فخبرتها بالسالفه فقالة لي انتي مهبوله رحتي وخليتي بيتك وزوجك عشان واحده ... اعطنيتي مجال لهم بالانفراد الحين بدل ماكان يكلمها ساعه صارت بالعشره والعشرين وعاد اذن الرجال وما تسمع تعبت اكثر من غيرتي بس قالت اسمعي انا كنت مثلك ورجعت لبيتي وزوجي وخبرته اني ما اقدر على بعده ووو المهم كلامها دخل راسي واتصلت عليه ومارد في البدايه وتعبت فقلت مالي غير ارسل له رساله اكتب فيها كل حاجه بخاطري مهماكانت احلوه او لا وفعلا كتبت وبعد ساعه اتصل علي وكلمته بأسلوب المشتاقه والمهمومه جعلت الحب حكم بيننا مع الدموع والشهيق وقلت ابوفلان عشان كذا وكذا ومن اجل فلان وفلانه ابيك تسامحني انا من قهري وحزني وغيرتي ماعرفت ايش اسوي ابي ارجع لك احس روحي راح تطلع بدونك هو قلبه طيب مره وحنون ماصدق خبر قال خلاص اهم حاجه ترجعي لي و فيه مثل إلي هو تمسكن حتى تمكن .. ا كنت اناظره زمان اقول بنحرم من حضنك او كيف اصبر وانا اشوف واحده بتكون مكاني وهنا انا غلطانه ..شوفو ايش قلت انت خلاص ملكت وزواجك قرب الله يوفقك ويسعدك و***** الله تكون عند حسن ظنك اقولها وقلبي يصيح من الالم وآآآه قلت بس شوف يابوفلان انا بصراحه خايفه مره من كثر ماسمعت عنها فا ايش رايك تعطيني رقمها اكلمها واشوف كيف اسلوبها في التعامل معي .. مارد علي في البدايه ورجعت اكرر نفس الطلب طبعا مابقى حاجه على موعد الزواج قال طيب وعطاني الرقم بصراحه انا لقيت البنت واسلوب كلامها غير اللي سمعته عنها بس الضره مره في البدايه كنت طيبه معها وقلت ***** الله نكون مثل الخوات طبعاهذا لاستدراجها ورحبت بهالشي وبعد مرور اسبوع قلت ابي اصارحك بأمر ما قالت خلاص فسألتها لوهي مكاني ايش راح تسوي فقالت اموت قلت طيب اشلون اعطاك قلبك تفرقي بين اثنين بين من تعتبريها اختك وزوجها تقبليها على روحك كيف وكيف وكيف المهم لشهاده هي سكتت وصارت تتنهد قلت شوفي معاناتك الحين هذي نسبه بسيطه من اللي صار لأختك طيب اشلون تقبلي ان ولدي وبنتي يتشتتو لاهم معي ولا هم مع ابوهم لانه مستحيل اعيش معاه وانتي فحياتنا واعتذرت واقفلت الجوال بعد مرور يومين اتصلت عليها وقلت بس ابغا اتطمن عليك وابغا اسمعك صوت ولدي انا هنا رغم سن ولدي قلت اذا كلمتك حرمه قولها احب ماما وبابا وفعلا قال هالكلمه وقالت اعطني ماما حسيت روحها تصعد وانها خلاص بدت تنهار قلت شفتي حرام عليك قالت سمعته خلاص تكفين تعبت واعرف اني اقترفت خطا كبيرو بعد هذا كله اعتقد ماعاد اقدر على البقى قلت اش الفايده وانتي أخذتي قلب حبيبي قالت حبيبك لك ووصولك لي يدل انك تحبينه بشده فمن الصعب اهدم حياتك وحيات اولادك وصعب اربيهم انا وامهم على قديد الحياه ... سكتت وقالت بعد خمس دقائق من سكوتها تطمني ماراح اخبر زوجك بحاجه وراح اختلق مشكله بسيطه اكرهه في اليوم اللي عرفني فيه وانهي علاقتنا فرحت وشكرتها وتعذرتها
وقبل زواجهم بيومين حصل الطلاق بينهم ورجع زوجي يقول امنت بأن مافيه حرمه بالكون حبت وحاربت وعانت مثلك فياليت تعذريني هنا استغليت وضعه وتقربت منه لانه منهار جدا حبه ضاع من يده وسألته بخالقنا كيف عرفها فأخبرني بأنه اعجب بها واستضافها عنده بالمسنجر وصار يحكي لها ويفضفض لها حتى شعر بأنه لا يرتاح حتى يكلمها ويحكي بالمسنجر ويخبرهاما كان يحدث له باليومي و لانها كانت تسمع له وتهديه وتنسيه همومه وتهتم لامره اخذها وانا نايمه بالعسل واكتشفت ان اهمالي له ونومي وهو صاحي كان السبب ..

وربي شاهد بأن ماكتب هنا هو قصتي انا ومعاناتي التى دامت سته اشهر ...

وسبب حل المشكله اتصال بسيط ومثل ماتعرفون قلوبنا نحن رقيقه وللمعلومه ترون بنات الحموله مايقبلو انهم ينحطو في موقف مثل هذا انا ما اقول ماكنت خايفه وانها بتخبره بس طلعت اصيله وما خبرته انا اللي خبرته بس بعد فتره لا تخافون من احد الزواج مملكه والصاحيه هي اللي تحافظ على مملكتها حتى لو يوصل لاهل البنت.. عن تجربه مني ومن اللتي نصحتني .. والحين ابي اعرف كيف ارجع ثقة زوجي بي هذا اهم حاجه بالموضوع