كنت فاتحه النت واتفرج على التوصيات وقلت اشوف المنتدى الحبيب على قلبي

وش اخر اخباره ولفت نظري موضوعك >>>> ههههههه على بالي توصيه >>>>


و أخخخخخخخخخخخخخخخخ دقيتي على الوتر الحساس ...

رغم اني من المتابعين فقط لمنتدى عالم حواء بس موضوعك اجبرني اشارك

يعني هذي اول مشاركه لي :)


عزيزتي انا زوجي رغم انه جديد على الاسهم الاانه كرهني بالساعه الي دخل فيها

الاسهم موبس عشان الوقت الي يقضيه عليها ولاهو عشان الفراغ الي عشته انا

وعيالي بعد انشغاله بالسهم >>>>> كله يهون مع النفسيه الي وصل لها مع الاسهم

ضيقة الصدر والسرحان والتفكير والجمع والطرح وغيره وغيره ...

تصدقين ماكان فيه وقت يمر بدون مايتكلم عن الاسهم احس انها صارت ضرتي

حاولت اغيره فيه بس ماقدرت وعلى قولت وحده من العضوات كان يقول لي هذا

وقت الطفره اذا ماستغليتها ماراح تتكر لي الفرصه ...

والله يابنات عشت وقت صعب وفراغ وضيقة خلق ...

وقررت اني ادخل معه في اهتمامه وبعد ماتعلمت وفهمت بالاسهم صارت متعه لي

صار يعتمد علي بالبيع والشراء في الفتره الصباحيه اذا كان هو بالعمل ...

وصارت الشغله متعه بالنسبه لي وقررت اني ادخل بمبلغ لي صح مبلغ بسيط بس

صرت اتحمس واجتهد بالبيع والشراء ...

من جد حسيت الوقت له قيمه بالنسبه لي وصار ماعندي وقت فراغ ...

والحمدلله شغلي صار فيه بركه وصار زوجي يعتمد علي ويتفائل بشغلي :icon28:

وصرت ادير المحفظه كلها ...

خف الهوس عنده وحس انه فيه احد يعتمد عليه والله يابنات صرت ماأعلمه بالشركات

الي اشتري فيها عشان ماينشغل باله ...



وبهالطريق استفدت انا من الجهتين مليت وقت فراغي وشلت عن زوجي عبء كبير




اتمنى اكون خففت عنك شوي ...

وان شاء تستفيدين من تجربتي ....


وتحياتي لك ...

ملل
ملل
ملل
لاطلعه ولادخله صار زي المهووووس
سواليفه كلها عن الاسهم وتلفوناته كلها عن الاسهم
وحنا في السيارة اسهم وحنا ناكل اسهم وحنا عند التلفزيون اسهم
تخيلوا صار ماينام من الاسهم
لا ويقول خلاص ابوفر انسي مطاعم وسفريات ابساهم ابسااااااااااهم
قسم اني اقوله الله يستر لا يجيك مرض نفسي منها
تخيلوا حتى صار يقول ياحظ الي عندهم عيال واجد يربحون اكثر
الله يعيننا دايما المرأة تكافح مع الرجل والله يستر من اخرتها
والي تقول اجلسي معاه وسولفي معاه عن الاسهم وشاركيه
طيب اجلس معاه اسولف معاه واشاركه بس مو كل ساعه في كل يوم
في كل اسبوع في كل شهر والله صارت الحياة مافيها عواطف ولا مشاعر بس مادة بمادة ومع كل سهم طالع اعصاب متوترة ومع كل سهم نازل اعصاب ثايرة
وشو ذا تراي طفشت حياتي
<<<< مالقت تطلع حرتها الا هنا :( :icon33:

ياحليلكم يابنات حواء أجل كلكم لكم ضراير غير شكل >>>> قصدها الاسهم :D
تصدقون ذكرتون أمي الله يطول بعمرها تقول ما أدري أنه جاي من الدوام الا لما أسمع صوت مكيف المكتب >>>>طبعا مكتب الباشا في ملحق بالحوش :arb:
أجل أنا وش أقول اذا أبو الشباب قاضي وقته تصميم مواقع وهاكات ودعايات مواقع
حتى لما نروح زياره لاحد بعد العشا على طول يلا مشينا وراي شغل عندي دعايه بسرعه تاخرنا والموقع الفلاني ما خلصناه والله الاسهم أرحم على الأقل محدوده بوقت معين مو زي حالتي حتى الساعه 2 بالليل يشتغل :06:
ومحسوبتكم مسميه الكمبيوتر ضرتها :22:

أهلين ياأخوات :27:
أما أنا عرف لي زوجي بصراحه وعشان يسكتني :D من كثر مابلبلت عليه شافلي حل
وش تتوقعون :angry:

هههههههههههههههههه


خلاني اتابع له الاسهم وولي نسبه من الربح...عااااد تعال شوفوني من الفرحه جلست :icon28:

وسلامتكم والله يرزق زوجي مليار ياااكريم

انا مره كنت في المستشفى وكنت اسولف مع وحده من الي جالسين وجات السيره على الاسهم المهم تقول والله ماشفنا خير منها من جت وزوجي قام يبع في سياراته وبعد مدري وش بيع للذمه وتقول والله كنت اذا قمت الصبح اشوفه ماسك المصحف يقراء والحين اذا فتح عينه من صباح الله ماسك الحاسبه
الله يهدي كل من انفتن ولها باهالدنيا وقام يركض وراها
جزاكم خير يابنات حواء على المواضيع الحلوه