اللي زوجها شمالي شرقي تتفضل

السلام عليكم ورحمه الله

اولا الله يصبرنا ويربط على قلوبنا مع هالشوشو الجميل العنيد

مشكلتي الله يسلمكم ابغى تفسرون لي الموقف ؟؟؟ وهل هو راضي ام لا ؟.. وصححوا لي اخطائي ..

قبل 5 ايام تزاعلت انا والشمالي حقي .. انا طلبت منه يسمع لي لان عندي خطه ودي نغير فيها البيت بأقل كلفه ..قال لا مش موافقك قبل تتكلمين وكم مره قلتلك ماأبغى افتح هالموضوع الان ..
وانا شخصيتي جنوبيه وقمت عصبت ورفعت صوتي وقلت لمتى وانت كذا تستخف بأفكاري عالعموم الله لايجعلني بحاجتك ولابزيد اكلمك واشاورك بأي موضوع ..وقمت وخليته

طبعا بوقتها باين انه مقهور بس مارد علي ولاكلمه .. ومن ذاك اليوم وهو مطنشششششني بس ياكل ويروح دوامه وينام .. وانا طنشته يومين ماأتكلم معه بس اسوي الاكل واجهز ثيابه وارعى العيال ..
المهم بعدها ارسلت له رساله قلت له انا اعرف اني غلط عليك بس انت الله يهديك مهمشني ولاتعطيني فرصه حتى اتكلم ومن هالكلام اعتذر وقلت اعرف انك منت مقصر لكن بوقت غضب قلت اللي قلت ولا اقصد شي ومن هالكلام ...الخ

وهو طبعا مايرد علي بالمرررررره ..وواضح انه يقرأ الرسايل عالواتس ينعرف متى يكون متصل وقراها ..
لكن بغيت اعرف انه راضي او لا وطلبته طلب من الصيدليه خاص فيني وغالي .. وراح من وقته جابه لكن اعطى احدى العيال يعطيني اياه ..
واليوم الثاني ارجع ارسل له اترضاه ولايرد مطنششش
واليوم لثالث نفس الشي بس المشكله لما اكتب له طلب يجيبه على طول .. ومره ثانيه كان عند اهله وابغى اختبره ابغاه يرد بأي طريقه ارسلت له انت وينك للضروره ..ورد علي انا عند اهلي بس
ومره قلت له لاتزودها علي والله اللي فيني مكفيني يكفي امي تعبانه من امس وقلقانه عليها .. ومامر ساعه الاامي تكلمني تقول الله يعطيه العافيه زوجك كلمني يسأل عني ...استغربت بالمره طيب ليش يطنشني :unhappy:

الحين مو عارفه وش اسوي له ..وكيف اتصرف معاه .. وطبعا بعدها ماأرسلت رساله ..وكل ماأقرب منه يبعد وينشغل بأي شي بالنت او التلفزيون او الجوال ...
ياليت تفيدووووووووووووووني ..والكل يستفيد لكل زوجه ابتلت بالشمالي