لو منك اقول له عاجبك ولا تعال انت اشتغل ورينا شطارتك

ياروحي عليك جيبي شغاله

حتى انتي دققي عليه في مقاضي البيت خليه مثل السواق قليل هالاحساس لاتعطينه مجال ينتقد قولي شغلي وانا ادرا به

انت تعرفين متى يجي زوجك من الدوام قبل لا يجي رتبي البيت نظفيه ترا فيه تنظيف يومي وفيه تتظيف اسبوعي
الاسبوعي قول له اليوم بيكون يوم شغل دور لك مكان او اطلع او اجلس بغرفة النوم
احس فرز الملابس يحوس البيت ومعه حق لا تفرزين وهو في البيت وهو في الدوام افرزي الملابس
انت خلي كل شخص له سله ملابس خاصه فيه الأطفال مع بعض وانت و زوجك مع بعض
الغسيل لا تخلينه في يوم واحد صعب وتعب عليك ولا تكومين الغسيل حق عدة أيام يومين او ٣ وغسلي
الأحد غسيل الاطفال الاثنين غسيل زوجك و الثلاثاء غسيلك
الكوي لمرتعرفين فيه طلعه او دوامه اكوي
رتبي الشغل يخف مو كل يوم تمسحين الادراج و الطاولات و الابواب و الشبابيك وبيتك اذا شقة سهل عليك
الصحون لا تخلينها تتكوم اشوف حريم تكوم شغل المطبخ الين يصير صعب
واذا يوم إجازته لا تنظفين ولا تعزلين البيت اصحي قبله و شيكي علي البيت و لمي الالعاب و اي شي طايح و بخري بعد ما يصحي ويدخل الحمام
ويكون فطورك او غداك جاهز قسمي الشغل ولا تخلينه يشوف شي طايح او مقربع في البيت المنظر العام يخليه مايقول شي وطنشي كلامه يمل مع الوقت
وخذي راحه بين شغله و شغله وخذي لك فنجان نسكافيه او كابتشينو و عربي تعطيك طاقه

_أنا من رأيي لا تصمتين ولا تمشينها إذا زاد عن عنده
ولا تكتمين في نفسك وتتأثرين لأجل أن تكوني مرتاحة وسعيدة
دائم بالتفاهم والحوار في الأوقات الهادئة وضرب الأمثال بطريقة
غير مباشرة بأن طريقته هذه تؤثر عليك وعلى نفسيتك ولا تجعل لديك نشاط
أو حافز لإكمال ما بدأتِ به من عمل
_سؤال هل لو طلبتِ منه المساعدة في شيء بسيط يرفض؟
_أيضا حاولي أي شيء أمام وجهه عند قدومه يكون مرتب قبل حضوره
_أنت أدرى بشخصيته وفهمه حاولي أن لا يؤثر عليك كلامه ولا تقفي عنده كثيراً
ونظمي وقتك منذ الصباح
هل هو فعلاِ يحب الترتيب أو يجد حجة في ذلك
هل يضايقه شيء خارج المنزل ويفرجه داخل المنزل
ألا يوجد شيء يلتهي به ولو قليلا لينسى الانتقاد
افهمي شخصية زوجك واجعليه يفهمك أتوقع ستنتهي المشكلة
والحياة ستسير