اللي زوجها عسكري ويستلم تدخل........؟

انا اروح بيت اختي الكبيره انام عندها لاني اخاف مررررره واهلي بمدينه ثانيه

انا نفس حالتك ياشموخ بس انتي ارحم عندك احد تعزمينه انا لايوجد احد لاجيران ولا اصحاب ولا اقارب

اقضي وقتي غالبا على النت او التي في ومع ريوني حبيبي اكله والبسه وانومه وارجع اصحيه والعبه يعني بس ودي يروح الوقت بسرعه

فعلا يكون يوم طووويل وما اصدق على الله متى اسمع الباب انفتح ارتاح مدري ليه حتى لو اني كنت نايمه بس اسمع الباب ارتاح

طبعا فالليل انوم ولدي بدري واتفرغ لشغل البيت وانظفه قبل انام واخلص شغلي واروح احط راسي وانام

وبس <<حكيت قصة حياتي :)

اما انا اقضيها لحالي مع بنتي في البيت العب معها الين تنام وعلى هالحال ماغير اكل ومطالع تلفزيون وانتظر الحظه الي اسمع فيها خطوات زوجي ومفاتيح الباب لا ومن صرقعتي لاسمعت باب شقة جيرانا ينفتح احسب انه باب شقتنا وان ابو الشباب وصل واقمز والقاه جارنا من طيحة الوجه اقعد اتحلطم وارجع الصاله وانسدح جنب بنتي واذا رجع سيد الحسن خلالالالالالالالالالالاص ارتاح ويروح الخوف قاعده اقول لزوجي متى تتقاعد ونرتاح يقعد يضحك علي ويقول ايه ونتوزع بالشوارع انا عند اشاره وانتي عند اشاره ونتسول الله يعينا وبس

ليش يعني من كم الى كم دوامهم؟

ايه والله طفش هالدوام سبق وكتبت موضوع اسأل البنات وش يسوون انا اذا كان دوامه ليل اروح لاهلي ابات عندهم او اكلم مرة اخوي
تجيني الله لايحرمني منهم
اما دوام النهار يانوم او تنظيف للبيت ومطارده ورا بنوتي وهكذا لين يجي ابو الشباب