مرة الدب المملوح ....



والله صدقتي في هذي .. شي مو معقول .. بس القهر لا كان ساكت معاك انتي بس ..
يعني مع الكل لا بس انتي .. شلون بتعيشين وتنبسطي .. لا مستحيل ..
فيه خلل .. فيه شئ .. سر لازم اكتشفه .. الغلط مني .. طيب اتكلم .. منك .. انا ماعدت اتحمل ؟؟؟

اليوم طنشت واتشيكت وسويت القهوه والشاي وقعدت العب مع اولادي هذا طبعاً بعد ما سنعت البيت وحممت العيال
وهذا كمان بعد ما تغدى واخذ جهازه الاب توب وحبس نفسه بغرفته .. ولما خرج .. جلس معانا ..
ساءلته شاي ولا قهوه ؟؟.. ناظر الصينيه .. وكأن الصينيه هي اللي ساءلته .. هههههههههه
قال .. عادي اي شئ ؟؟؟ يارب وش هالزهق .. كل شئ عادي ما يفرق عنده ..
عادي ازعل عادي اضحك .. عادي احبس نفسي بالبيت عادي اخرج كل يوم .. ممشي الحياه بس ما هي راضيه تمشي معاي ..
تقهوه وبعدين خرج .. كذا .. بدون ما يكلمني ..
ولسه ما رجع ..ولا حيرجع الا بعد الساعه 11 على وقت النوم يرابط عند التلفزيون ل2 وبعدين يطلع ينام بدون حتى تصبحي على خير ..
وكل ذنبي .. هذا الذنب العظيم اللي ارتكبته اني قلت له .. ليه ما تسولف معي .. محتاجه شوية اهتمام ..

بصراحه يا شيني من مره .. ولا هذا طلب اطلبه من زوجي .. المفروض املأ مسنجري ايميلات شباب واعوض النقص اللي انا حاسه فيه
مثل ماهو مالي القائمه عنده بنات .. ويقولي هذولي شباب مسميني باسماء بنات ..
يالله لهالدرجه مستضعفني وشايفني ما افهم وما اعرف وما أقرأ وما اميز ..
على الله ..

عزيزه بذاتي ... مشكوره حبيبتي لتواجدك معاي .. لا تحرميني اياه ..

تفاحه سماويه .. هذي الحركه تنفع للي لهم 3 سنين بس 8 سنين لا خلاص .. سارت عندهم زي المناعه ..
ما فيه شئ يأإثر فيهم ..
من فتره قريبه سويتها .. كالعاده تزاعلنا على نفس هذا الموضوع وطلع من البيت .. سويت كل اللي قلتي عليه ..
ولما جاء فاجاءته والضحكه شاقه وجهي بنعومه واغراء .. ما تحرك من مكانه .. بس المصيبه انه قعد يطالع التلفزيون وانا بجنبه
وش هالملل .. ولقيتها فرصه وبهدوء .. قت يا فلان انت تدري اني احبك .. و بدأت بإختصار حلو ابين لي انه يهمني وهو الوحيد اللي يرفع معنوياتي ونفسيتي .. لو بكلمه واحده كل يوم يمدحني فيها حتتغير حياتنا .. ناظرني وقال ..
(( يعني انتي الحين لابسه هذا اللبس عشان تكلميني بهذا الموضوع !!!!!!))
حسيت بصدمه ما بعدها صدمه .. غصه كنت بنفجر من البكاء بعدها ..
قلت .. لا .. بس اشفيك متجهزه لك وتطالع التلفزيون ؟؟ قال بشوف هذا البرنامج اطلعي الغرفه الحين يخلص واجيك ..
يوووووووووووووووووه حسيت بالغثيان .. وودي اطلع من جسمي مو من هدومي .. وبعز البرد خرجت للحوش وانا طبعا لابسه لبس نوم .. وبكيت حتى احملرت عيوني .. ودخلت غرفتي ونمت .. وهو بعد نام بس عند التلفزيون ..
ولا تقولون .. العلاقه الخاصه بيننا مبسوط منها .. ومرتاح .. بس مشكلتنا مافيه تواصل عاطفي ..
رغم اننا اخذنا بعض عن حب .. وجربت مرتين اتركه ولقيته متمسك فيني ..
بس هذا الصمت بيخنقني .. احسه صمت مزعج .. تخيلوا .. انا عايشه في صمت مزعج .. هدؤء قاتل ..

اماسي الشريف .. لازم نلاقي حل .. التنطيش فاد بعض البنات ..
بجربه وادعيلي .. وحادعيلك .. اللهم ردهم لنا رد عزيز مقتدر .. اللهم آمين ..

هلا فيك عيون خالد .. من جد والله سار كلامنا عباره عن اسئله واجوبه ..
هو ما يتكلم بس احيانا احس اني زي المحقق كونان ..

كلمت خالتي ( امه ) ؟؟ ايوه
شلونها ؟؟ طيبه "
وفلانه اختك سافرت ؟؟ ايوه
متى ؟؟ امس

يجي هو من العمل ..
كيفكم ؟؟ الحمد لله
جاوو العيالمن المدارس ؟؟ ايوه
متى؟؟ الساعه 12
تغدوا؟ ايوه
فينهم؟؟ نايمين
لا يطولون بالنوم؟؟ طيب

وانتهى الكلام .. ويبدأ الخصام ..

والله كأنك تتكلمين عن زوجي :o..

نفس الحال .. نفس الطبع .. مايحب يتكلم أبد ..

أسأله يجاوبني جواب من كلمة واحدة فقط .. ولو حاولت إني أمطط الإجابة قال عني ملقوفة .. وأنا والله ماقصدي إلا إني اخلق حديث معه ..

بل إنه مسميني في جواله " المحقق كونان " من كثر ماأسأل بس على شان أخليه يتكلم ..

طنشت .. واجهت .. تنرفزت .. عصبت .. صحت ..

ياكل .. يشرب .. ينام .. يطالع تلفزيون .. يكلم بالجوال وأنواع الرغي مع ربعه .. وأنا لما أجي أتكلم .. يقولي .. اسكتي .. أبطالع تلفزيون .. أبي أنام .. بعدين .. بعدين .. مع أني أدري إنه يحبني .. لكن مافي تعبير عن هالحب ..

أخباره وسواليفه تصوري أسمعها من أهله لأول مرة ..لو شرى شي أهله يدرون وأنا لا .. روحاته جياته عندهم خبر عنها وأنا لا .. يسولفون علي فيها وأنا أهز راسي أسوي روحي دارية فيها وعارفتها :06:

إلى أن وصلت لمرحلة تبلد فيها حسي .. وقلت مالي إلا إني أخلق لي جوي الخاص وخلاص أتقبله مثل ماهو .. بل احيانا أعتبره غير موجود على شان ماأنقهر ..

أحاول أعوض نفسي بعيالي .. وبالنت .. وبالصديقات .. وبالأهل .. وخلاص غسلت يدي منه ..

تغيير هذا النوع من الرجال إن لم يكن مستحيل فهو صعب جدا جدا جدا ..