اللي زوجها نفسيه ويكبر المواضيع تدخل

السلام عليكم كيفكم حوائيات
بدخل بالموضوع ع طول
اختي الكبيره بالاربعينات زوجها تجيه حالات بالشهر يتسب كذا من نفسه او أحيان من موقف بسيط من بدايه حياتهم الزوجيه
عصبي يضرب عياله لسانه اذا عصب وسخ شوي يشتم ويلعن
عيالها كبرو الحين اصغر طفل متوسط
المشكله صار موقف ب أسبوع الاجازه قالو له ودنا نسافر مع سواق عادي نكلمها معها عيالها بالجامعه ورفض وسكرو ع الموضوع بعدين فجئه كذا حرمهم من الطلعه من البيت وقال لولده لاتويهم مكان
وقام يتكلم ع تخصص بنته ويجرح ب اختي انها تاركه بنتها ع كيفها ومعطيتها وجهه والخخخ يعني دخل مواضيع بمواضيع قامت اختي قالت له انت كل اجازه تسوي هذره وتخرب ع عيالي وهنا شب وعطاهم العقاب
المشكله عيالها صارو يفهمون ويقطون عليها كلام انتي من اول ماعندك شخصيه ولدها الصغير قالها وش تبين بهالرجال كله يصرخ عليك طلقيه
عياله اكيد يحبونه بس صارو يبغضونه ومايحبون جلسته
وصح شال عنهم المودم وقال ل اختي أي مكان بتروحين استاذني لو انه حمام !!
يعني كثير يقلون اذا كبر الرجال يطخ يتغير يتعب بس هذا ماتغير
اللي بهالعمر ومرت بهالتجربه هل في امل يتغير
وكيف تكسبه لانها جربت الصمت جربت الزعل الهواش مافي امل
بنات هي تشتكي فعلا لانها مو فاهمه زوجها ودها تحتويه ويقدرها
ويحترم عياله ومايعاملهم ك اطفال