اللي زوجها يداوم الى 4 العصر او اكثر تدخل بليز تفيد وتستفيد

انا نفس الحاله تقريبا يطلع6 ونص ويرجع اربعه وشويه وعلى حسب الشغل احيانا يتاخر مره الى المغرب
انازوجي في ارامكوا وانتي زوجك وين
اما بالنسبه للنظام خليها على الله ماقدرت اسوي نظام معين طول هدي السنين اللي راحت ومن يوم اتخرجت من الكليه سهر للفجر ونوم الى 2 ونص الظهر
احس اليوم كله يروح وانا على النت (مدمنه) و انتظره وهو يجي دايخ مايشوف اللي قدامه يادوب يتغدى ويناااااااااااام
وترى احيانا لتاني يوم وبكدا احنا حتى الناس مقاطعينهم مايمديه يوديني عند احد
والله قمه الملل لا وازيدك اهلي في الرياض يعني مافي اخوي ممكن استنجد فيه يوديني او يجيبني
(قلت لكم قصه حياتي)

ياللا اللي بعدي تحكي ماساتها مع الدوام الطويل

انا زوجي يجي الساعه 3العصر والله على حسب المزاج اذا ماشبعت نوم طول الليل اكمل لا راح العمل وماصحى الا الظهرواذا شبعانه نوم اقعد على النت لين 1واقوم اسوي الغداء واجهز بنتي واروشها واغير لها وانا اتجهز له مايجي الساعه2.30الاوكل شي جاهز اغديه وازغده واتجهز لمعهدي واروح وبعد ماخلص معهد اذا فايق ورايق سوق ولا فره ولا تمشيه اواذامو فايق رديت البيت نسولف هو هلكان ماتجي 10ولا11الاوهو ينعس ينام واذا على شغل البيت عندي الشغاله مسوي شي انا وهذي هي عيشتنا كل يوم ماتتغير يعني ماراح افيدك بشي جديد:hahaha:

نسيت اقولك اني عندي شغاله يعني لا انظف ولا ارتب بس اشرف وطبعا اطبخ
ماحب الشغاله تمسك اكلي

انا ياقلبي دوامه من 7 لين 4 او 4 ونص
وعنده بريك من 12 لين 1 لما يجي اسوي له شي خفيف ياكله واذا راح 1 اقوم انظف البيت وارتبه
والساعه 3 ابدأ اطبخ ويجي وهو جاهز وبعدها يروح ينام....
احلى شي لما دامه يكون طويل تقومي متى ماتبغي ماتضطري تقومي في الصباح وتنظفي وتتعبي نفسك...

انا زوجي يبدأ دوامه من 7 حتى 4العصر
واول مايجي ينام حتى المغرب
ثم يصلي المغرب ويروح لديوانية اخوه الكبير
ثم يصلي العشاء ويروح لاستراحته اليوميه مع زملاؤه

وانا جالسة في البيت مابين تنظيف وغسيل وكنس وطبخ للعيال
اما زوجي فمايجي الا للنوم وبس