اللي زوجها يشتغل في اوبر او كريك تجي

السلام عليكم
بنات انا تعبت من الرجال هذا اللي عندي ولابيدي حيلة ولا انصلح حالة من ردي لاردى تعبت معاه وحطمني وحطم نفسيتي
كل يوم خيانات شكل ومغازل اليل مع النهار ولايتوب استغفر الله
آخرتها صرت الاحظ علية مايجلس في البيت ابداً احياناً حتى وقت الغدا مانشوفة خير شر واذا سألت جلس ينافخ وانتي مالك دخل
وش خصك انتي في بيتك جالسة وماعليك مني اطلع اجلس انا حر
يوم السبت تهاوشنا هوشة كبيره لانه صار مايجي الا على الفجر
اعترف لي انه يشتغل في كريم
انا ماهمني يشتغل او لا اذا كان محتاج
اللي يقهر انه مهوب محتاج ابد ابد ابد عنده بيتين مأجرهم ووظيفته راتبه فوق الممتاز
اللي قاهرني اني اعرف زوجي ما اشتغل فيها الا يبي الحرررررريم
يبي يحتك مع الحريم بأي طريقة كانت
تخيلو يطلع من البيت متكشخ وكأنه رايح عرس وساعات وكبكات والعطر انواع واشكال ويروح يشتغل
انقهر انا صراحه والله لوماعندي احساس
انتم كيف اللي زوجها يشتغل في كريم واوبر ماتغارون ماتنقهرون
كيف عايشين مع الوضع هذا متعب صراحة
المشكلة انه مقصر معي ومع العيال من جميع النواحي وانا المسؤلة عن كل شي مستشفى دراسه كلها على راسي
ولا ياخذني مشواري اذا احتجت شي يكون بالشغل تخيلو اروح لموزين وهو يقضي حاجة الناس قهرررر
المصروف بالقطاره ولا استفدنا من شغلته شي
الفلوس لنفسة انا وعياله ولا شي
اهم شي تركب معه حرمه ويجلس يتفلسف معها وريحة العطور
والمراية عليها
يارب والله تعبت والاه لو ضعي يسمح اني ما اجلس معه دقيقة بس وضعي جداً صعب
حسبي الله ونعم الوكيل حسبي الله ونعم الوكيل حسبي الله ونعم الوكيل
شوروا علي الله يعافيكم