اللي زوجها يعزم شخصيات مهمه وعندها خبره تساعدني

يالغاليه الله يبيض وجهك قدام ضويف زوجك

وشوفي قسم الحلويات هنا اكثر من روعه

ادخلي بسرعه عليه وشوفي الحلى اللي يعجبك بصورته وسويه


وطمنينا


فيه انواع كثيرة سوي حلى قهوة نوعين مثلا

وسوي حلى للعشاء كمان نوعين اوثلاثه اللي تقدرين وربي يجملك يالغاليه


فيه انواع تشيز كيك تهبل هنا لاتحتارين والله يوفقك

مثل ماقالت الاخت هموسة ادخلي الاقسام ونقي على كيفك

هموسة الله يسعدك يالغاليه وصحيح انا دورت في قسم الحلويات وفيه انواع واشكال واحترت الافضل للعشا وللقهوة
بس فعلا شكلي بعتمد التشيز كيك لانه شكله مميز اكثر اول واحد للعشا وبشوف ايش يرشحون لي مشكوره ياعمري ماقصرتي

اميرة بكلمتي اشكرك حبيبتي والله دخلت واحترت وقلت ماخاب من استشار ما استغني عنكم

حبيبتي ... ريحي راسك من حلى القهوه جيبيه جاهز

عندك جهينه ( لو انت بالرياض ) مره مرتب

او سوي بسبوسه و قطعيها صغار ... و عندك برضو كرات البسكوت

و هذي طريقتها :

كاس بسكوت دايجستيف مطحون + كاس حليب بودره محموس على النار + علبة قشطه + شوي فانيلا

نعجنعم و نكورهم و نرصهم في صحن التقديم

نخلط 4 حبات جبن كيري + نص علبة نستله و نصبهم على كرات البسكوت

اخيرا ... نزينها بالهيرشي



و الحلويات ... اعتمدي التشيزكيك بالفراوله ... غالبا الكل يعجبه

جربي ( ام علي ) برضو مرغوبه

جيبي كنافه جاهزه ..

و فيه حلى لما اسويه كثير يعجب اللي يجربونه

مقاديره :

نخلط 500 جرام مساكربوني + ربع كاس سكر + نص كاس كريمة خفق

في صحن نرص شرايح سويسرول شوكولاته و نصب عليها شوي حليب

نضع عليها خليط الماسكروبوني ... و نبشر عليها شوكولاته ( مثل جالكسي )

و دام العشا ذبيحه ... لا تتعبين حالك بانواع ثانيه

الرجال ماراح يناظرونها ...


من الحركات اللي تعطي ترتيب للمكان .. ممكن عند المغاسل تحطين سله فيها مناشف صغيره

صحن فيه عطور رجاليه

و برضو حلويات و علك صغار ( بالنعناع )


يارب تكون عزيمتك مرتبه ... ربي يوفقك :)

اذا ميزانيتكم تسمح جيبوا بوفيه افضل من مطعم

والبوفيه ممكن يكون صغير مو ضروري تكبروه

انتم اختاروا كم نوع مقبلات مع المحاشي والحلى وبس

لأن المطعم بيتكفل بترتيب السفره والطاولات وتجهيزها بشكل افضل

لأن انتي ماراح تقدري ترتبي السفره دامها مو عندك بالبيت

وصعب عليكم نقل الأغراض من البيت للاستراحه وغير كذا النسيان وارد 00

وزوجك بعد بيكون مشغول مع الضيف فما راح يرتب السفررررره بشكل متقن 00

اريح شئ لكم البوفيه الصغير من مطعم وريحوا راسكم من الشيل والحط

----------

اما اذا لازم انتي الي تجهزي

فأقترح عليك مع الذبيحه

جريش

تبوله + سمبوسه الكبير جاهزه اقليها بس + سبرنغ رول الكبير قلي فقط

محشي كوسه + ورق عنب

الحلى ( تشيز كيك + حلى الاوريو + كريمه + حلى الكاسات الصغار )

حلى القهوه ( حلى كيك اليمامه + حلى التشيز بالفرن خاص بالقهوه )
واسهل عليك جيبي من محل حلويات فيه بعض القطع نقيها من عندهم


واهم شئ حركات التقديم وترتيب السفرررره

يعني حلى القهوه جهزي له صياني حلوه وقطعيه بشكل مميز وزينيه من فوق
حطيه باوراق شكلها ولونها مميز
ونفس الصينيه افرشيها بمنديل لونه حلوووو ومعاكس للون اوراق الحلى
يعني اصفر وبنفسجي / او اصفر واخضر

حطي شموع اذا المكان يسمح وآمن واهم شئ خلي قاعدتها آآآآمنه لا تطيح وتجيب العيد

شوفي النت فيه صور تقديم اغراض المغاسل من علك ولبان وصابون وعطر

البخوووور لاتنسونه

المغارف والمناديل والمويه

الشاي قدمي معه السكر والنعناع بتقديم حلو


وربي يسهل امرك ويبيض وجهك ولا تنسي الاستغفار

والأهم النفسيه الحلوه والبشاشه

ورتبه الشخص لاتهمكم بقد ماتكون نيتكم اجتماع واخوه في الله وادخال سرور على قلب مسلم

واكرام ضيف واطعام طعام 00







----------------