اللي زوجها يقول عنها ملقوفه........... تدخل وللي مايقولها بعد

ياكثرهم الازواج اللي يشتكون من لقافة زوجاتهم ,فالزوج من يدخل والحرمه وراؤه وين رحت؟ ومن شفت؟ وش صار؟ وهلم جراء.............وأنا من هذه النوعيه بعض الاحيان يعني حسب المزاج:23:طبعا بحكم اني جالسه في البيت(متبرطعه 24على24) كاتمه على نفس زوجي:01:
ابو العيال طفح الكيل مني وصار يتهرب ويزعل وبعض المرات يكذب علي(عارفه بتقولون مايلام فكي عنه شوي بس ويش اسوي ابغى افتح مجال للسوالف واتسلى جلسة البيت ممله)اختكم في البدايه زعلت:29: ومديت بوزي شبرين.......... وبعد ما طولت السالفه,لمعت في رأسي فكرة:30: وقلت يقولون (السفهان يقطع المصران) بجرب هذا الكلام
وفعلا صار الرجال داخل طالع وانا ولاكلمه كاني ماشوفه : :35: بس ماقصرت معه في شيء وقايمه بواجبه كامل والحياة ماشيه طبيعي الا الأسئله والاهتمام الزايد ودخوله وخروجه خليته يتمشى في ربوع الرياض على كيفه,صار الرجال يكشخ ويمر قدامي رايح جاي:arb: يبغى يلفت انتباهي وانا ولا هنا...........خخخخخخخ مسويه قويه وانا قلبي يتقطع بس عزمت وتوكلت.............
طيب بعد مامر يومين تتوقعون ايش صار...........؟
زوجي يا بعد عمري ادمن على اللقافه ولايقدر على الحرمان.فجاء مطأطأ الرأس يعطيني كشف لكل تحركاته ويعلن استسلامه امام كيد النساء:11:,لاوأزيدكم من الشعر بيت يقول مو حلو انك ماتسألين ولاتهتمين(مدمن المسكين9سنين)
وهالحين صرت بين فتره والثانيه اطنش علشان مايزعل وينفجر مرة ثانيه
هاه بتجربون ياالملاقيف...........؟