اللي زوجه اصغر منها تتفضل

انا زوجي اكبر مني
اتوقع في البدايه مافي اي مشكلة
لكن بعد ما يكبر الرجال وتعجز الحرمة وهو يصير في عز شبابة هنا المشكلة
وهذا يختلف من رجال لرجال ومن حرمة لحرمة

السلام عليكم

الرجال يكبر والحرمه تعجز قبله وممكن يتزوج عليها:(

بس مايمانع لو كان راعي دين وخلق:arb:

لانك لو رديتيه راح يسبب لك فتنه

وهذا من حديث الرسول عليه السلام:



بالتوفيق:26:

ما اعتقد ان هذا الكلام واقعي الزوج بيتزوج وحدة ثانية على اي حال اذا هو يبغى .. مرته صغيرة كبيرة حلوة وحشة ... ما يفرق ... لو عينه زايغة ما يرده شي ....
موضوع ان هي بتبان اكبر مو شرط الا اذا الفرق كبير 10سنين مثلا ... وطبعا يفرق البنت اللي تهتم بنفسها ... ليش تشوفي بنتين بنفس السن وتفكري ان وحدة اكبر من الثانية او تصير انك نشوفي وحدة واختها وتحتاري مين الكبيرة مع لن في فرق كبير بالسن بينهم ( زي انا واختي) او وحدة وبنتها وتفكريها اختها
اولا الروح بتطغى على الشخصية المرح بيعطيكي شباب ... واهتمامك بلبسك وشكلك يصثغرك بالعمر
فرق بسيط زي سنتين ما بيكون في اختلاف بالتفكير لانهم من جيل واحد
اولا واخيرا هو توفيق من ربنا

في مجتمعي اللي انا عايشه فيه فيه متزوجات من اصغر منهم بسنتين ثلاث

لكن اشوف حياتهم ماشاء الله بس اهم شي يكون كلا الطرفين عارفين باعمار بعض

واحس ان لهن الدبره يعني فيه احترام لزوجاتهم بشكل

حبيبتي أنا أكبر من زوجي بسنتين ونص تقريبا وحياتنا ماشيه والحمدلله على احسن مايكون

كنت مثلك خايفة من فرق السن ورفضت الاقتران فيه في البداية عشان هالسبب بس هو اصر ولما شفت اصراره وعرفت انه مختارني لانه كان يحبني وشايفني من وأنا صغيره غيرت رايي وقلت اخذ واحد يحبني وشاريني ومتمسك فيني احسن من اخذ واحد مابيني وبينه شي او حتى اعجب فيه ويعجب فيني في البداية وبعدين تطلع عيوبه مع الوقت او مايستحملني او اكبر مني وشايف نفسه افهم مني ويعاملني كطفله مب حرمه !!!

الحمدلله شكلي ابدا مايعطي اصلا ان عندي اطفال لاني ابان كني توني متزوجه وعندي بالكثير ولدين بس مع ان عندي عيال ولله الحمد وشكلي يبان اصغر من زوجي !!! واللي يشوفنا مايدري اني اكبر منه الا اذا قلت له !!!

تعرفين وين المشكله ؟؟ المشكله مب في الزوج لانه هو اللي جاك وهو اللي اصر ياخذك بكامل ارادته بس اذا كانو اهله بنفس نوعية ام زوجي هنيه المشكله تقعد تعلق على الفاضي والمليان ولدي صغير وتزوج مبكر !!! طيب ليش زوجتوه دامه توه صغير وياهل ؟؟؟!!! بس هي حركه عشان تذكرك بانه ولدها اصغر منك وانتي عليك تحطين حد لاي حد ممكن انه يعلق على هالموضوع اول شي تبينين انه مب هامك ثاني شي اذا زاد الكلام والتعليق قولي له انا ماجيتك انت اللي دقيت باب بيت اهلي وانا ماكنت بايره تقدمولي قبلك كثييييييييييييييير اكبر منك ومني ولو كنت اعرف انك بتعايرني بصغر سنك ما كنت وافقت لاني احسب الكبر بالعقل مب بالسنين وكنت خذذت واحد اكبر مني عشان ماحس اني خذت واحد صغير توه على الزواج !!! وصدقيني بعمره ماراح يفتح فمه مره ثانيه ويعايرك وبالنسبه لي امه قعدت تلمح وتلمح وانا ساكته وبعدين لما طفح الكيل قلت لها بكل صراحه مادري ان ولدكم ياهل مب قد الزواج والمسؤوليه ولو ادري بكذا ماخذته ولما انتو شايفين انه صغير وبعده على العرس ليش تخطبون بنات الناس ؟؟؟ بكذا طلعت العيبه في ولدهم مب فيه انا !!!

قلت لك قصة حياتي خخخخخخخخخخ بس صدقيني اذا كان الفرق بسيط عادي خصوصا اذا الرجال عارف وشاريك مافي اي مشكله بالعكس انا اشوف كذا احسن يعني شوفي الرجال لما يبون يعرسون يدورون على وحده صغيره عشان يتمتعون معاها ويتمون دايما شباب انزين حتى الحرمه حلو لما تاخذ واحد اصغر عنها هي بعد تتمتع بشبابها مع واحد اصغر منها !!! ليش لا !! ومثل ماقالت وحده من الخوات هو لو يبغي يعرس بيعرس باي حال من الاحوال بيجيب له اي عذر وبيعرس

وشفت بعد كذا اثنين الحرمه اكبر من الرجال وسعيدين بحياتهم وانا ماكنت اعرف انها اكبر منه الا لما قالو لي بس لو كان فرق السن خمس سنين وفوق هنيه لازم تفكرين عدل