وكمان وش رأيكم مره بس جلس يومين عند اهلي متخيلين دقت أمه وتخاصمه ليه مامشيت على طول
وراح لها وهي زعلانه ليه قعد بس يومين
معقووووله ذي ام لا اله الا الله طيب واولاده هو مو عزابي يارب رحمتك بس

عندك حلين يإنك تجلسين ببيتك وإذا احتجتي شي اطلعي مع سواق وخلصي اشغالك والأفضل يكون معك شغاله عشان عيالك


أو خليه يستأجر لك عند أهل زوجك بحيث يكون قريب منكم لأن شهر وشهرين ومعك ثلاثه وعندهم فرط حركه تعب كثيييير عليك وإرهاااق






اصري عليه لازم يحس بالمسؤوليه
الله يهديه ويسخره لك🥀

قضوا نص الاجازة في بيتكم ونصها عند أهلكم مو كلها تروحون لأهلكم اذا قال ابي امي واصدقائي قولي انت مو لحالك عايش معك زوجة وعيال لازم تحسب حساب هالشي مو ترمينا وتروح عشان تعيش ذكرياتك.. الوضع تغير ولازم تغير خطتك..

قوليله أبوي كبر في السن وصار يتعب من الإزعاج وحركة الأطفال وأهلي ماراح يقدروا يستقبلوني انا وعيالك اكثر من يومين
والأفضل يستأجرلكم شقة مفروشة عند بيت أهله
لاتعوديه يرمي عليك كل المسئولية ويعيش عزابي لازم يتحمل معاك مسئولية عياله وينسى حكاية أنه أهلك مسئولين عن العيال

خليه يجلس معاكم يومين او ثلاثه او حتى اسبوع عند اهلك وبعدها سافروا لاهله اجلسوا بالمجلس او وحده من الغرف انتي وهو وعيالكم ولا خلي الصغير معاك والكبار مع عماتهم كلها شهر او اقل من شهرين بالسنه عادي يتحملون الضيق عشان ولدهم وعياله يعني غريبه ماتقوله امه اشتقت لعيالك وابي اشوفهم وكذا ؟!
واذا مره مانفع يستاجر لكم شقه بالشهر واجلسوا شهر لبعد العيد بيومين وارجعوا لاهلك كم يوم وبعدها ارجعوا مدينتكم يكون جاء دوامه بس انك تجلسين عند اهلك شهرين كامله مع ٣ اطفال بدون طلعه ولا جيه هذا الوضع ماينسكت عليه لازم ينحل هذي السنه