خذي كذا غيار لطفالك عشان الالعاب والوناسه وخذيلك كل يوم لبس ولا تكثري وعادي انا أخذت لي معلبات زيتون وجبنه بوك مشان فيه أيام أفطر فالغرفه ومافي أنزل أهم شيء خذيلك غطوتين وطرحتين وعبايتين لانو سار معي موقف وضاع غطاءي😢 خذيلك شبشب عشان عند البحر تتمشي ومريح أهم شيء كمان خذيلك مسكن فيفادول عشان السخونه أو تغيير الجو لا قدر الله وخذي أدوية عيالك ومسكنات لهم وماليزيا بالأساس حر ف مشان كذا خذي ملابس صيفيه وخذي جكيتات اذا روحتو جنتق أو الكاميرون امممم وش كمان خذيلك شامبو لانو ماعجبتني شامبوهاتهم وقليله ويادوب تكفي وخذي لكل شخص معكم لبس ف شنطت الطياره حتى لو شايفه البس يغير بتواليت وخذي كمان تسليه لطفالك شبسات وحلويات يتسلو فيها وسفره سعيده يارب😍😍😍😍

افتحي الشنطه قبل سفرتك ب أسبوع ورتبي ع مهلك كل ماتذكرتي شيء حطي والهدايا عندك أشياء كثير انا أخذت بخور عوده وقسمته مره ريحته حلوه وأخذت أشياء رمزيه تحف

من ناحية الملابس
انا قعدت عشره ايام واخدت 5 بناطيل قطنيه مع 5 تيشرت قطني
ف صرت اخلي بنطلون مع تيشرت البسها لمدة يومين لما اخرج من الفندق وبعدين اغيرها والبس لبس ثاني نظيف لمده يومين وبعدين اغير وهكذاااا ..
ان شاء الله فهمتيني
وبالاضافه اخدت ملابس للنوم بالفندق ..
اما من ناحية اطفالك صراحه ماعندي خبره .. لكن سوي احتياطك لكل يوم لبس واحد
يعني اذا بتقعدي 10 ايام خدي للشخص الواحد 10 ملابس خرجه بالاضافه الى بجايم للنوم بالفندق
وكل مااتوسخ شي غسليه لانو الاطفال بأي لحظه ممكن بوسخو نفسهم
ومن ناحية الاكل انا اخدت معايا شكولت حطيتها بشنطتي الي بيدي لاني بالطياره اشتهي اكل
اما الاكل متوفر هناك يعني مطاعم للوجبات السريعه او مطاعم عاديه وبقالات
والفطور رح تفطرو بالفندق اذا اخذتو شامل مع الافطار ودائمآ اذا خرجتي خدي معاكي فطاير وعصيرات وشبس
لعيالك عشان اكيد يجوعو مع المشي
ومافي شي مهم تاخديه يعني زي اي سفر خدي الحاجات المهمه
وكمان لاتنسي تاخدي شبشب خاص لحمام الفندق لانو اغلب الفنادق مايوفرو شبشب حمام وبعدين تضطري تستخدمي
جزمتك الشخصيه لدخولك للحمام
ومن ناحية الهدايا انا اشتريت تحف على شكل البرج التوأم الي بماليزيا ومره انبسطو فيها
واخدت ميداليات فيها رسومات معالم ماليزيا ومكتوب اسم ماليزيا عليها
واخدت اكواب شاي مكتوب عليها ماليزيا وفيها صورة البرج
واخدت مرايه فيها برضو برج ماليزيا
وصراحه ناسيه اسم المجمع الي اشتريت منو الهدايا لكن اذا افتكرت بقولك
ومن ناحية السواقين لو ركبتو مع واحد مو عربي بس وريه اسم المكان الي تبغوه اكتبيه بورقه بالانقلش
وهو رح يوصلك او وريه صوره يعني مره تتسهل الكل متعاون هناك