الله يسعدك كم كلفتك السفره لأندونيسيا ؟؟
من تذاكر لمصاريف كل شي يعني ؟؟

التذاكر انا وزوجي ع الاماراتيه 4400 ريال سعودي

والرحله لمده عشره ايام ويوم روحه ويوم رجعه غير محسوبه من الايام

كلفتنا 2400دولار من غير التذاكر يعني 8الاف سعودي
طبعا تسوقت ب 100دولار وزوجي كمان 100دولار يعني 400ريال لكل شخص تسوق مافي شي عجبنا واخدنا الاشيا الي ناقصتنا بس هع لان هدي تاني سفره لنا شبعنا من اسواقهم اول سفره خمينا ب الهبل

ادا اول سفره لك ماراح يكفيك هدا المبلغ لان اول سفره بتصرفون اكتر وماتكونون عارفين كيف تتعاملون معاهم وراح ينصبون عليكم وانتو ماتدرون :hahaha:

شاكره لك مرورك شقاوه و المعلومات اللي بتفيدني كثير ان شاء الله
بس حابه اسالك عن بحيرة الليدو يقولون مشوارها بعيد وما تستاهل يعني مو حلوه 
ايش رايك انتي هل هي جد تعتبر مضيعه للوقت ومشوار عالفاضي؟

بصراحه بعيده وماتستاهل بس احنا اشتهينا سمك ورحنا ولاركبنا قوارب غاليه وماتستاهل اكلنا ف المطعم

في اماكن مالها داعي تروحيها زي البارشوت ادا زوجك مابيركب ماله داعي تروحوا
مصنع الشاهي لاتروحوه ولاتشتروا شاهي موحلو ابد وع جبناه هدايا اول سفره محد حبه

حديقه تشيبوداس روحيها وتمشي فيها مع اطفالك بتعجبهم وانتبهي لاتروحي الشلال الكبير الي ف الحديقه تعب مووووت تمشي ٤كيلو تقريبا على رجلك ومحد يتحمله
بداله شلال قريب اسمه شلال شليمبر نفسه ب الضبط هدا قريب من البوابه وهداك بعيد مرررره مره لما تروحي شلمبر روحي بنفس اليوم حديقه متهاري عشان الاطفال
تشيبوداس مع حديقه الفراوله
و حديقه الزهور مع بحيره فينيسيا ف كوتا بونقا
و بحيره الالوان مع البراشوت او مزرعه الشاهي او مطعم رندو علم
حديقه سفاري يبغالها يوم كامل لحالها من الصباح للمغرب
هدي الاماكن كلها ف الجبل لاتنسين المطاعم كل يوم مطعم عربي وفي كنتاكي وبيتزاهت ف الجبل

جاكرتا عندك انشول فيها دنيافانتزي كبيره مرررره وزحمه لودخلتيها صباح راح تخرجي منها عصر وانتي مالعبتي كل شي اهيئ مره حلوه العصر لاتفوتي التلفريك وبعده لوقدرتي السينما او روحوا على مطعم بندر جاكرتا تريه زحمه مررررره وارقام اول ماتدخلي يبغالك ساعتين على بال مايجي دورك ف الطلب

وفي العاب مائيه وعروض وعالم البحار بصراحه انشول يبغالها يومين مره مايمديك يوم واحد خصصو لها يومين افضل عشان تشوفوا كل شي فيها
ويوم روحوا تسوق في جاكرتا

و باندوق اول يوم توصولوا روحوا من العصر شارع الجينز محلات جنب بعض و بنفس الشارع في مول فخم تعشو فيه وتسوقوا كمان الي ناقصكم وبعدين تكسي وع الفندق الساعه ٩تقفل الاسواق ومطاعمها كمان
واليوم التاني البركان و مزارع الانناس والثالث سفر ع جاكرتا

وادا حابين تروحوا بقور تروحوها من جاكرتا او من الجبل سياره ٣ساعات من الجبل ومن جاكرتا اقرب حلوه وفيها حديقه الرئيس كيبون رايحه وفيها اسواق وفيها ملاهي ذا جنقل جديده ملاهي العاب وفيها ملاهي مائيه كمان اسمها جنقل احنا رحنا بقور من الجبل يبغالها يوم كامل حلوه

ماشاء الله عليكم رووووووووووووووووووووووعه
ربي يريح بااااااااااالك
بوقور فين رحتوووووووو مارحتوالعاب مائيه