اللي ساكنة في الرياض ومتأذيه من الموية الحارة تدخل

بسم الله الرحمن الرحيم




السلام عليكم ورحمة الله وبركاته



كنت أتصفح في القسم العام ولقيت تساؤل من وحده من البنات

وش الحل مع الموية الحارة سلخت جلودنا

وهذا هو رابط موضوعها الله يوفقها ..

http://forum.hawaaworld.com/showthread.php?t=2400544

كتبت تجربتي في موضوعها وحبيت أكتبه في موضوع مستقل في قسم التجارب

حتى تستفيد منه الأخوات الباقيات ولو فيه تجارب ثانية ممكن يفيدوننا



متى تستخدم ؟؟



طريقتي ما أسويها إلا في الظهر أو أول العصر لأن حرارة الموية في غير هالأوقات تعتبر نوعا ما مقبولة





الحالة الأولى : الدينمو مرتبط بفيش أتوماتيك


أنا عندي الدينمو اللي يصعد للخزان العلوي مشبوك بفيش الأتوماتيك

إذا بغيت أتروش أو أحد من عيالي فصلت فيش الدينمو عن الأتوماتيك وخليته يصعد عادي

فالموية اللي تصعد من الخزان السفلي بتكون باردة فتبرد موية الخزان العلوي



الحالة الثانية : الدينمو عادي



أما اللي الدينمو عندهم عادي ويشبكونه متى مابغو ويفصلونه متى ما بغو

خلاص إذا بغت تتروش تشبك الدينمو حتى وإن كان فيه مويه بس حتى يبرد المويه عليها




تنبيه مهوب تقولون ماقلت :


انتبهو والدينمو يصعد لا يمتلي الخزان ويطفح السطح عليكم وتدعون علي بدال ماتدعون لي





اللي تفيدها طريقتي تدعي لي أنه يبرد علي بقبري و يصلح لي نيتي وذريتي

واللي عندها حل ثاني بأيسر وأرخص الطرق تفيدنا وحتى ندعي لها كل ماتروشنا




أسأل الله العظيم رب العرش العظيم أن يغفر لي ولوالدي ولكل من دخلت موضوعي وللمؤمنين والمؤمنات