أحلام بنفسجية... والله ماحبيتها لان المكان إذا مافيه ناس وجيران وأصدقاء ماهو مكان والمكان حلاته بجمعته... جيران للأسف العمارة مافيها إلا انا وأهل زوجي والباقي لسه ماتأجر وأهل زوجي مايحبون يطلعون ولا يختلطون بأحد عشان كذا ماعندنا جيران وأتعرف وين ياحسرة.. كملت دراسات عليا في الجامعة بس المشكلة مثل ماهي تعارف البنات وسواليفهم وجمعتهم داخل الجامعة برى الجامعة كل وحدة ماتعرف الثانية ورغم اني والله دائما اقول تعالوا عندي نجتمع كل وحدة تتعذر بأهلها وارتباطاتهم طيب اعزموني عندكم....(بالغصب).... جد انصدمت في البنات همهم درجات وأوراق ومحاضرات بس ماالومهم طالبات دراسات عليا.. ماعندهم لعب... حتى مافي مكالمات بين البنات الا هاتي الكتاب الفلاني واذا اجتمعنا نهاية الدوام ياحل تكاليف يامذاكرة اختبار.... والله تعبت نفسيتي ساعات يمر اليوم مااتكلم فيه ولا كلمة خصوصا اذا ابو الشباب اخلاقه مطنقرة مااشوفه الا وقت النوم... والطلعات سي السيد مايحب يطلع في الويك إند يقول زحمة وقرف تبين نطلع نطلع بعد صلاة العصر على طول تكفى في الحر وين يطلع الواحد وإلا نطلع في وسط الأسبوع طبعا لازم اقدم معروض على الطلعة من اسبوع عشان يدرجها في جدول اعماله.................طولتها صح... خلاص

بتكلم جد
ماتفكرون تجتمعون في مكان برى؟؟؟ملاهي مثلاَ
يكون فيه اتفاق عالخاص مسبقاَ

ذكرتيني بنفسي :icon33: :icon33: :icon33: انا ساكنه بجده


لا اخ ولا اخت ولا عم ولا خال عندي بجده >>>> ارحم

كل اهلي بالرياض انا وش خلاني اتزوج وابعد عن اهلي:icon33: :icon33:

الله ياخذ عمر شركة الي يشتغل فيها رجلي مخليني زي ابن بطوطه

انا بعد اهلي برا الرياض وانا طفشانه في الرياض بس احنا نطلع دايم مع زوجي بس هو يطلع معنا جسم بلا روح وعقل لان عقله مع حبابيه

هيه هيه:3_10_6: وقفو لاتخلوني
نصيح :icon33: نصيح نبي:arb:
والحين نبي اهلنا :09: على قولتهم حريم
انا عسل وعايشه بالرياض واهلي بعيدين ولي اربع سنوات على هالمعاناه
مليت من الفرفره بالسياره كرهت الرياض
حمولتي معي بنفس البيت ولاكن سنه طفه والباقي مشاكل تخيلو ماجلس معهم ابد الاكل والباقي لا
كم مره قلت لزوجي خل نجتمع حنا وزملاك او نطلع للثمامه لو كل شهرين مره قال ماتحملتهم بالدوام اتحملهم بالبيت
الحين تزوجت اختي عندي ولاكن طلع عله من اول شهر يتوعد ترا مافيه روحات (عين الناس يقولون صارن عند بعض )تخيلو ماشفتها الا ثلاث مرات من زواجه لها ست شهور حتى ان رحت لاهلي ماتجي وان رجعت للرياض راحت
فيه بنت خالي نجتمع معها لاكن تعرفين كل اسبوعين يروحون لاهلهم هي وزوجها
ولو عندي بيت لحالي سويت مثل باقي البنات مسوين جمعه هم والي بالشقق كل اسبوع عند وحده لاكن العين بصيره واليد قصيره
زوجي الملاهي ممنوع مع الي اعرف اي شيء ممنوع وحمولتي مكانك سر اللهم بالشتاء يحبون البر والسنه ذي سووها مشاكل ماطلعت معهم الامره
اتمنى يصير عندي:baby2: :04: يسليني ويغنيني عن الناس
ومايزيد معاناتي الا اني طبيعتي اجتماعيه واحب القرق:a_smil17:
وان جلست يوم ماتكلمت انفجر راسي ومخليه الحره على ابو اشباب يقول ادوختيني
لاتقولون اجلسي مع حمولتك لا لا لا لاني مارتحت من المشاكل الا يوم ربطت الساني
حتى ماعندي غرفه ثانيه اغير فيها جوا والبيت فيه شغاله ومرتاحه على الاخر
والحكومه يرشحونن لانواع الوظايف لاكن انا معطيتهم طناش

معليش طولت وقلت قصه حياتي لاكن من القهر