الكل مثلك طفشان اللي في الرياض وخارج الرياض يعني اللي ماسافر طفشان وبس

تعالي معاي سجلي في معهد نستفيد >>>>>طقها الطفش وسجلت


الله يبعد عنك الطفش ويخلي كل ايامك فرح وسعاده

تبين الصراحة اختي انا والله مثلك الطفش واصل حده معاي صحيح انا اطلع مع زوجي مره لمنتزه ومره مطعم ومره صالت التزلج عشان اولدي ومره السوق لكن والله ملييت وكمان حاليا ماعندي شغالة وقايمة بشغل البيت ولان شقتي صغيرة الشغل يخلص فيها بسرعة ومع ذلك الوقت الفاضي طوييييييييييييييل .والحين انا قدمت على شغالة وانتظرها تيجي لاني بنقل بيت اكبر فاكيدبيكون فيه وقت طويللللللللللللل فراغ حاولت اضيع وقتي مابين النت والرياضة لاني احب امارسها والتلفزيون وغيره وغيره لكن مافيه فايده وانا عارفه ويش ناقصني الصحبة
اي والله يااخواتي الصحبةانا عندي صاحبات ومعارف لكن اغلبهم مسافر واللي موجودمشغول او ان زوجها مومقتنع بالزيارات بين الصاحبات ويمكن عشان كذافاقدتهم واحس بفراااااغ كبيرمع ان زوجي انامايمانع ويتمنى انا دائما نجتمع لكن الاصابع في اليدين الواحدة ماهي سوا والرجال موكلهم مثل بعض .وفكرت اني اروح الملتقى للسيدات واشترك فيه لاني سامعه ان عندهم نادي رياضي وكوفي وكوافير وقلت ممكن اتعرف على صحبة خير هناك واضيع وقتي وافيد واستفيد.مع اني جربت نادي رياضي قبل كذا واشتركت فيه والبنات اكلوني بكلامهم انت ويش اللي جايبك هنا انت مومحتاجة هذادلع ومن هالكلام اللي خلاني انسحب لاني انا نحيفة بس كنت احب امارس الرياضة واشدجسمي فقمت وسحبت نفسي
وآآآآآآآآسفةعالاطالة بس والله حسيت براحةوانااشتكي لكم همي :( :06: :( :32: الله لايحرمني منكم

اخواتي الكريمات سبحان الله تجدين وقت فراغ ولا تعرفين كيف تقضينه؟؟؟؟؟؟؟يجب علينا نحن المسلمين أن نستيقن يقينا لا شك معه، أنه سيأتي علينا يوم لا محالة، سنسأل فيه عن فراغنا وأعمالنا، وأوقاتنا وأعمارنا قال رسول الله صلى الله: «بادروا بالأعمال سبعاً، هل تنتظرون الا فقرا منسيا او غنى مطغيا، او مرضا مفسداً، أو هرماً مفنداً، أو موتاً مجهزاً أو الدجال فشر غائب ينتظر، أو الساعة فالساعة أدهى وأمر» أخرجه الترمذي. وقال صلى الله عليه وسلم: «اغتنم خمسا قبل خمس: حياتك قبل موتك، وصحتك قبل سقمك وفراغك قبل شغلك، وشبابك قبل هرمك، وغناك قبل فقرك»، أخرجه البيهقي والحاكم وصححه، وقال عليه صلاة الله وسلامه: «لا تزول قدما عبد يوم القيامة حتى يسأل عن أربع: عن عمره فيما أفناه، وعن شبابه فيما أبلاه، وعن ماله من أين اكتسبه «وفيم أنفقه، وعن علمه ماذا عمل به»، والنفس ان لم نشغلها بالطاعة اشغلتنا بالمعصية والعياذ بالله والرفقه اللي تطلع معي النادي والسوق وتقطع وقتي بسواليف فارغة (آسفة على هالكلمة بس هذا الصدق) هذي مو صحبة أخيار أنا اقترح عليكم وابدأ بنفسي أن ننظم لحملة حفظ سورة البقرة التي سبق الاعلان عنها في هذا المنتدى الفاضل (أرجو وضع الرابط للي يعرفون) فهي تأتي يوم القيامة كالغمامة تظلل صاحبها وهي كما قال المصطفى صلوات الله وسلامه عليه (أخذها بركة وتركها حسرة ولا يستطيعها البطلة) البطلة يعني السحرة والشياطين، وميادين الخير واسعة ويمكن للكل ان يدلو بدلوه في هذا المجال ويمكن ان تختاري ما يناسبك من أعمال الخير وحتى ابناؤك اعملي لهم مسابقات لحفظ القرآن الكريم وكافيئهم على ذلك بهدايا وجوائز ولو بسيطة، وسامحيني لو كان كلامي قاسي بس صديقك من صدَقك وليس من صدّقك، والحمد لله رب العالمين

مشكوره اختي حبوبه على ردك 00

وانا معك دام الانسان بصحه وعافيه هذا اهم شي 00والله يديم علينا النعمه يا رب 00

ولكن الانسان الا يمر عليه وقت يبي احد يسولف معه ويفضفض له ويقضي وقته 0
هذا اللي انا اقصصده 0


يعني معنى الملل اللي قصدته هو مثلا ان الاماكن اصبحت بالرياض محدوده
يا سوووووووووووووق يا مطعم يا منتزه والحمدلله كلها الواحد ممكن يروح لهالكن مو كل يوم بيطلع لانه بيمل 0





ريما ونور الرياض
شكرا على المرور

اختي حبيبة ابوها 00

يكفيني مرورك يا عسل 00
وحلو انك سجلتي بدوره
بس وش دورته ؟؟؟؟









فوفو كلامك مضبوووووووووووووط 100 %
وهذا اللي صار ينقصنا 00
وانا بعد احيانا اطلع مع زوجي العب بنتي ونغير جو بس صرت امل من هذي الاماكن 0

على فكره صاله التزلج حلوه ووين مكانه <<< هي اللي بطريق الامير عبدالله 0


وفعلا الازواج مو كلهم زي بعض عشان كذا ممكن تنحد العلاقات 0


واشكرك على مرورك يا قمر 0