انا ساكنه عند حمولتي وهي بس وولد عمره عشر سنوات بس
شقتي كامله غرفة نوم ومجلس ومطبخ وغرفة كوي ودورتين مياه ومطبخ
اصحى الصباح انزل تحت افطر واتغدا واصلح العشاء انا\
شوفي عندي مطبخ وبأمكاني اجيب اغراض لي واطبخ واصلح كل شي
بس رضاء ابونا كل شي
وماصعد لشقتي الا اذا جيت انام او اذا بغيت اصلي واحيانا اصلي تحت
خالتي حبوبه نوعا ما
بس بفعلي هذا ينعكس هالشي على زوجي ماشالله يعني تتغير معاملته لي والحمدلله هو مو مقصر بس يتغير بزياده لو اطلب عيونه عطانياه واذا بغيت اروح لأهلي علاطووول يوديني ويحترم اهلي لأني مقدره اهله

شدني موضوعك أختي لأني نفس المعاناة المهم صدقو البنات الحماة لو كانت حنونةحماة أم زوجي كانت موظفة لاهية لكن الحين تقاعدت وفضت وشوفي الهم الي شايلته قسم بالله انها مخربه ولدي مدلعته من غلا ولدها لكن ماتبي أحد ينفخ عليه ولا يكلمه لدرجة أنه يوم أطلع مع ولدي شاريتله ملابس وتقولي لبسيه ذا أشيك وأفخم يا بنات هو ولدي الوحيد أنا مدلعته وألبسه ماركات فخمة ومع ذا لا مو حلو مدري شلون قايل عليه ما تناسبه ذي الألوان أو تنتقدني في أي شئ لكن مع هذا محترمتها وحاطتها فوق رأسي لأنها أولاً وأخيراً إن زعلت ولا رضت على رأس زوجي و أنا ما ودي تخرب علي بالعكس كاسبتها و غير كذا إن زعلت ولا عصبت إحتسب الأجر ولا أرد بالعكس من ثاني يوم وأنا مسلمة على رأسها لأني أفكر كما تدين تدان وبكرة تجي لأمي كنة تطلع روحها فختصرت هذا كله اليوم الي تزعل ولافي خاطرها شئ ما أرد وأنزل من ثاني يوم وأنا مصلحى حلا ولا قهوة ولا ترتة وأتصرف عادي بدت تشوفني إني شاريه خاطرها تصدقون إنها ساعات تحنن زوجي علي يا بنت الحلال هونيها وتهون وكل ما شافك زوجك إنك شاريه أهله ما يناسها لك بالعكس يحن عليكي ويحققلك الي تبين من غير ما تشيلي هم ويرفعها لك بإنك صبورة وأتحملت أهله الي هو ساعات ما يتحملهم وأدعولي يا بنات بصلاح حال زوجي وإستقامته و بإستقلالي ببيت بروحي اللهم آمين

انا ساكنه عند اهل زوجي مثلك وخالتي لوحدها في البيت وكبيره في العمر ودائما انزلها يمكن كل يوم الا اذا كنت تعبانه
او عند اهلي ولو زوجي في البيت انزل شويه واطلع هي مره طيبه معاي وزوجي يفرح لما اروح عندها او لما اطلب شي
لها احيانا يزعل يقول مالك شغل بس مايهمني اقوله امك حرام عليك هي ماتقول ابغى وابغى حس فيها من غير ماتطلب
ومع انزعاجه احيانا... احس انه ينبسط يحس فيني خير
تحبني تعاتبه لما يزعلني وتدافع عني وتوصيه عليه يعني مدلعتني على الاخر (ما شاء الله)
اكلمها عن ايام زمان اش كانو يسوون عن اكله ابغى اتعلمها عن جيرانها ومواقفهم معاها كيف كانو يتزاورون
عن اولادها وبناتها عن الاشياء اللي تحبها والاشياء اللي تكرها
لا يشغلكي الكلام حنى حريم اسهل شي عندنا الكلام كلمه تجر هرجه تجر سوالف
وزوجك قوليله استحي انزل كل يوم اكتم اخوانك والا اخاف انها مشغوله والا بتنام فشله احس اني شاغلتها
عن البيت وزجها واخاف اني مزعجتها كل يوم ناطه عندها
ولما ترجعي من عندها خليكي مبسوطه قولي الله يسعدها عمتي جلستها وناسه ياقلبي عليها مره طيبه
الله لايحرمنا منها امدحيها
يمكن يبغاكي كل يوم تنزلي عشين تتعلقي فيها وتحبيها يمكن مو حاس انك مره تحبينها ..........فانزلي من
غير مايقولك .. اذا مر يوم ومانزلتيلها قولي ان شاء الله بكره ابنزلها وحشتني عمتي خليه يحس انها زي امك
من حبك لها ومدحك لها وصدقيني حتى هو يحبك اكثر كل مازاد حبك لها وحبها لك
واتمنى لك التوفيق مع حماتك وزوجك وكل اهله واهلك والله يسخره لك ويسخرك له
اللهم امين

ارجع اكرر
لايهمك احد الي تقول طيعي زوجك ماجربت
اولا ماتحسين با الاستقلال..............ونتيجه لذلك بتتعبين وتتعبينه معاك
ثانيا غيري ملابسك البسي حوسه
ثالثا تصيرين كانك ساكنه عندهم
اذا انتي تدرسين قولي اذاااااكر وريحي بالك كفايه يومين في الاسبوع قهوه
بس فيه نقطه لازم حتى لو يجونك اهلك انهم ينزلون يسلمون ع خالتك

انا اذا مزاجي مو تمام ما اخرج واحب اجلس فالبيت
وتقريبا شبه يوميا اروح لهم