اللي ساكنه مع اهل زوجها

:27: :27:

والله بعضهم يقول كمجامله وبعضهم يلزم على الوحده انها تروح معهم
بالنسبه لزوجة اخوي مانلزم عليها نقول لها ترانا بنروح للمكان الفلاني او لآلفلان وهي من نفسها بسرعه تلبس وتطير طيران لانها تحب الطلعات لاي مكان واي احد

بس نصيحتي انتي شوفيهم اذا حسيتي ان هالروحه لا بد منها روحي يعني اذا بيجي في خاطر زوجك اما اذا هم من الناس اللي يلبسون بسكات فأحسن اللي مايبينا مانبيه وإن طعتي شوري كل ماكانت علاقتك بهم بحدود يعني مافيه موانه والله احسن لك ترى كثر الروحات والجيات معهم تقلل من قيمتك

مشكورة حبيبتي سويتنس على الموضوع ..

أنا خالتي ما تطلع من بيت إلا تسألني بتروحين معاي أو لا .. تذكرني دائماً أن ترى هالأسبوع بنروح المكان الفلاني .. بس الاحظ ان هالتصرف معاي بس مو معا زوجات أولادها الثانين ..

عزيزتي سويتنس
والله إنتي الوحيدة اللي قدرتي تحركيني وتخليني أكتب بصراحة من زمان جداً
ما كتبت يعني أدخل أقرا وأطلع بس طريقة طرحك للسؤال تبين إنك متضايقة
من أهل زوجك ومحتارة كيف تتصرفين معاهم (محللة نفسيةالأخت)

شوفي عزيزتي بفيدج من تجربتي وبانصحك كأخت لي لأن التصرف إذا ما كان
من البداية صحيح يصير بعدين صعب تغيير الشيئ ، وبجاوب على أسئلتج :
1- نعم أهل زوجي ياخذوني معاهم إذا بيروحون يزورون أحد من أقاربهم وإذا في مناسبة
بس مرات يصير إن أخوات زوجي يبغون يطلعون مع بنات خالتهم أو عمتهم يتغدون
برا أو يروحون للتسوق في المراكز فما يقولون لي وأنا بصراحة ما أزعل عليهم بالعكس عادي
علشان كل واحد ياخذ راحته ، يعني ما يصير ألزق فيهم ويلزقون فيني ومرات تكون وحدة من
أخوات زوجي معزومة على عرس صديقتها وأنا طبعاً ما أعرف صديقتها فما تعزمني تروح هي
العرس بدون ما تقولي .
وبعدين في العزايم ترى مهم عندي جداً إن يكون صاحب العزيمة ذكرني بالإسم إني معزومة
حتى لوما اتصلوا علي مباشرة يعني حتى لو وصلتني العزومة عن طريق أهل زوجي أتأكد
إني معزومة بالإسم يعني مو مجاملة .

2-نعم مرات أقوم من النوم العصر وألقى البيت خالي يعني يكون عندهم مشوار أو طلعة
وما يخبروني ، وعادي جداً ما أزعل ليش لأني صرت أعاملهم بالمثل يعني إذا بطلع مع زوجي
العصر وهم نايمين ما أقول لهم وبعدين أنا مب ولية أمرهم علشان يخبروني إذا بيطلعون اليوم
والمكان اللي بيروحونه بالعكس جذي أريح حتى أنا ما أقولهم أنا وين رايحة وهذا الشي أفضل
لج علشان ما يسألونك إنتي وين رايحة.

3-والله لو يلبسون ويتعدلون ويكونون يرقصون قدامي من الوناسة علشان
المكان اللي بيروحونه ولو حاطين على ويهم طن مكياج ما أسألهم وين رايحين

ليـــــــــــــــــــــــــــــــــــــــــــششششششششششششششششششششششش؟؟؟؟
لأنهم لو يبغون يقولون لي كان قالو لكن سكوتهم معناه إنهم ما يبغوني أعرف والانسان لازم
يحترم نفسه وما يقلل من قيمتها ، يعني أطنششششششششششششششششششششششششش
وأقعد عادي وأسولف معاهم ولا أعفس ويهي وكأن كل شي طبيعي ومستحيل أسألهم لأن
يا خبر بفلوس بكرة يبقى ببلاش!!!!!!!!!!!!!!!!!!!!!!!!!!!!!
وطبعاً أعاملهم بالمثل لما يكون عندي عزيمة أو عرس أتعدل وأتجمل وأطلع مع زوجي .


وبالنسبة للأخت قمرة أنا أوافقها في كلامها 100% نعم لازم يكون في حدود في علاقتك
مع أهل زوجك يعني ما تشيلين الميانة بينكم علشان ما تسمعين الكلام اللي يضايقك بس
هذا مب معناته إنك ما تودينهم وما تبري أم زوجك بالعكس أنا أحترم أهل زوجي وأجاملهم
وأخذ لهم هدايا بين فترة والثانية ، واقعد وأسولفهم بس ما أكثر لأن كل شخص لازم يعرف
حدوده تعرفين ليش ؟؟؟؟؟؟؟؟؟؟
لأن لو أخذوا عليك في الكلام بعدين بتشوفين التدخلات في حياتك كل صغيرة وكبيرة وفي
كيفية تربية أولادك بس لما تكوني انسانة ودودة معاهم وفي نفس الوقت حازمة ما تسمحين
لهم بالتدخل في حياتك هذاك الوقت يعرفوا أنهم مب مسموح لهم يتجاوزون حدودهم .

بس ترى ما دامك موجودة معاهم لا مفر من التعامل معاهم وحاولي ما تعطين مجال ينتقدونك
وفهمي زوجك إنه يحترمك أمام أهله لأن بصراحة إذا هم حسوا إني زوجك يحبك ويحترمك
وما يرضى عليك مستحيل يقربوا صوبك ، والعكس صحيح إذا زوجك يهينك قدامهم أكيد ماراح
يحترمونك وبيعاملونك بالمثل ، ونصيحة أخيرة لا تكونيين ملقوفة ولو يصير خناق بين زوجك
وأي واحد من أفراد أسرته إذا كنت جالسة وموجودة خلي نفسك ما تسمعين ولا عمرك تتدخلين
بينهم ، وإذا حسيتي نفسك مو قادرة تمسكين أعصابك أدخلي غرفتك أبرك ولا تفتحين بوزك بكلمة
ومثل ما يقولون الصعايدة (سدي خشمك واصل) لأنهم في الأخير راح يرضون مع بعض أما إنتي
إذا تدخلتي فأي كلمة تقولينها ما راح ينسونها لك .

هذا خلاصتي تجربتي ودائماً وأبداً تذكرني إن ما جزاء الإحسان إلا الإحسان ، وخل يكون ردك
على اساءتهم دائماً بالإحسان إليهم أكثر وأكثر ، وتذكري دائماً أن لك أم وكما تدين تدان.

والله يسعدك انشاء الله في حياتك الزوجية

أختك

أم عيـــــــــــــــــــــون فتــــــــانــــــــــــــــــــــــــــــــة

عني انا كل واحد وبراحته يطلع متى يبي ويرجع متى يبي من غير تحقيق واذا انه معزومه على العزومه الي اهم معزومين عليها لازم يقولون لي اذا قدرت اروح رحت واذا ماقدرت عادي يعتذرون لهم عني من غير زعل