والله انا لي خس سنوات مع اهل زوجي
بس نصيحه لاتسكني معاهم
افضل في الخارج والله حتى هم لما تجيهم يشتاقوا لك ولايطلبوا منك تقومي في كل شيء لكن اذا عندهم الله يعين
والله انا في شقه لحالي ساكنه وفي سلفتي في الخارج ساكنه ماهي في نفس العماره شوفي المعامله والاستقبال وكل شيء غير فرق
مع اني والله مااقصر ولافي شيء معاهم
عشان كذا نصيحه اسكني برا والله افضل من اخت مجربه وعانت

والله ياقلبي اذا انتي مثل ما تقولين علاقتك معهم ممتازة وش اللي بيجيب الزعل اصلا ؟؟
بالعكس تصير فله روحات وجيات وسهرات وعزايم وكلللللللللله ترا يصب في مصلحتك لما يشوفك زوجك مرتاحه مع اهله يرتاح هو نفسيا وينعكس عليك ويحترمك اكثر ..
لا تخلين احد يخرب عليك وتسمعين كلام كل واحد ؟؟ والله اعرف وحده كانت علاقتها مع اهل زوجها منتهى الروعه ولما قرر زوجها يسكن عند اهله كثر حواليها نبح الكلاب وخربوا عليها بيتها رغم انها لسى ما سكنت عندهم لكنها سمعت للناس اللي بيخربوا بيتها ... وساءت علاقتها بأهل زوجها قبل ما تسكن عندهم بسبب اللي تسميهم صاحبات وهم يعرفون مصلحتها والله انهم عدوات ونكدوا عليها الآن علاقتها مع زوجها واهله منتهى السووووووووووووووء ..
اما اذا تعرفين نفسك ممكن تسوء العلاقه بينكم وممكن تسمعين لكلام الناس وتجرين وراهم لا خليك بعيده احسن ..

انا ساكنه ويا اهل زوجي بعد فتره بسيطه بطلع ببيت ولو بيدي قعدددت عندهم الحمدلله مرتاااحه امه تعاملني مثل بنتها ولاجيت بطلع خذت بنتي وقالت لي طلعووو لحالكم

اكلي جاهز الحمام ماعمري لمسته ولا غسلته خدامتهم تغسل الحمدلله مرتاااااحه اخر الرااااحه خواته معاي سمن على عسل بس بسبب انه ضاق علي المكان فبنطللللع ولا انا عااادي عندي مرتاحه

انا ساكنة فوقهم لااااااااااا والف لا

تخيلي يدخلون بيتي في غيابي بحججة ينظفوا البيت لين اججي...شكرا ماابغى احد ينظف

بنتي متدخلين في تربيتها وماني قادرة اسيطر عليها بس تكبر شوية اعرف كيف امسك اذنها واعلمها الادب

غرفة نومي يدخلونها بحجة التنظيف كمان ..اخته من النوع اللي يفتش اتوقع فتشت على كيف كيفها

لاجوني ضيوف خاصين الاقي الام مترززة بيننا اخواتي صاروا يتضايقوا من الجية عندي علشان الام تللللللصق لين يروحوا ولا ناخذ راحتنا في الكلام... بس اعترضت لين صارت تحترم نفسها ولاتجيني اللا اذا ناديتها

يعني ياااااااااااااقلبي بتتعبي فا مدام عندك خيار افضل اختاريه

حاولي تسكنين بعيد عنهم لو حتى خيمه اهم شيء تكونين مستقله بسكن خاص
انا عن نفسي اهل زوجي ماهم بنفس المنطقه واروح لهم بالسنه مره وان طولت اسبوعين ولانكمل ومانرجع الاوحنا على اعصابنا وماحنا مرتاحين ابد
فنصيحتي لك تشرطين لك بيت لحالك والله يوفقك