اللي ساكنه مع اهل زوجها تدخل

الأسرة والمجتمع

السلام عليكم
وش اخباركم
بنات وش رايكم انا ساكنه بشقه في بيت اهل زوجي في الدور اللي فوق واطبخ لي ولزوجي
بس امه وخواته حطوا يوم لحريم اخوانهم كل يوم وحده تطبخ ويوم لاخته الكبيره
وباقي اخواته الصغار طبعا مو صغار بالعشرينات كبري وفيه اللي اكبر مني بسنتين مايطبخون
طيب انا اطبخ لي ولزوجي غداه وعشاه واذا حب يوم يتغدى عندهم ينزل ويتغدى ومرات اعزمهم عندي نتقهوى وحلا وكذا
وش رايكم انا صراحه مابي اطبخ لهم عددهم كبير كبير تسعه من غيرنا تعب علي وانا بعد مو ذاك الطبخ يعني مش حالك وش اسوي كيف ارفض بطريقة مايزعلون مني وزوجي يقول انزلي واطبخي لاتفرقيني عن اهلي
40
13K

يلزم عليك تسجيل الدخول أولًا لكتابة تعليق.

تسجيل دخول

متنكره ومنهم انا
وعليكم السلام

ممم
باحط نفسي بمكانك

يعنيوعن نفسي راح اطبخ مثلي مثلهم
على الاقل كم مره أطيب خاطر زوجي وخالتي
وبعدين اقترح عليهم ان نبطل هالشيء ويصير كل واحد يطبخ غداء بيته ويوم الجمعه نجتمع وكلن يجيب غداه وتجمعنا سفره ومن هالكلام الي يكون مقنع وبنفس الوقت ماتكوني كسرتي كلامهم ويأخذون عنك فكره سيئه

والله يصلح الحال ويسخر لك
الآلئ
الآلئ
والله اذا هم بيطبخون لكم باقي الايام بدور اخته اطبخي اما لا خيير منتي مجبورة ولا انتي خدامة المفروض يقولون كل اسبوع ع وحدة مثلا الجمعه معقوله اما تنزلين تطبخين وعنده خوات وش فايدتهن
قولي موافقه بشرط خواتك الباقي يدخلن بالدور هن بعمري مو بأقل مني ليه اخدمهن ارفضي بطريقة ماتزعله كل وحدة ادرى باسلوب زوجها او قولي له اذا صار دوري حياهم ببيتي وهم راح يملون يطلعون لكم ويطبخون لنفسهم اما انك تنزلين مو حلوة لازم يتعلموا يستأذنوكم قبل يتخذوا قرارات تخصكم بكرا يتمادون ويتحكمون فيكم
shailene2020
shailene2020
قولي بشرط الكل له يوم حتى اخواتك لازم يكون في عدل
lolah-44
lolah-44
الله يعينك صراحه قهرالوحده تطبخ لبيتهاوزوجها مولاهله
مدام ماركه
مدام ماركه
حبيبتي نصيحه لا تدخلي معهم بالطبخ بكره يغثونك شوفي اي طريقه وطلعي نفسك من الموضوع لاتدبسين فيها