مفكره بإذن الله ابني دور واحد واخلي غرف النوم منعزله اخره واوله المجالس والمطبخ التحضيري داخل والطبخ خارجي بس يكون واحد يعني مقسوم بإذن الله
اشوف صديقتي بنت ماشاءالله فيلا وطاحت بكبدها مع شح الشغالات
تخيلي قفلت الدور الفوقي وهجرته تماما
وماتقدر تأجره لانه مو مقسوم
فأنا باخذها من قاصرها وابني دور لما يرزقني الاه عيال ويكبرون اسوي دور ثاني
والحمدلله

اكبر غلطه فحياتي لما سكنت بدورين تعب تعب غير انووو اللي تحت يصير مهجور واذا جلست تحت حاسووو عيالي فوق ومعاد ادري ارتب تحت اوفوق والظيوف مايجون غير فالسنه مره والله اكبر غلطه هالنظام صح لوكان البيت صغير وملموم ومساحة الدرج قصيره نفس بيوت الاجانب بيطلع اوكي بس كبير والله ملل حتى لحد الحين ماقدرنا نكمل تاثيث ونفسي نبيعه واشتري شقه واسعه وارتاح او شقه دبلوكس انتووو

بصراحه اشوف دورين افضل بس بشرط يكون الدور اللي فوق فيه جلستكم وأكلكم ومطبخكم الاساسي وكل شي فووق وتحت مجالس للرجال والحريم ومطبخ تحضيري للضيوف وماتنزلوا تحت إلا اذا فيه ضيوف أو حفله فقط،، لأن بصراحه اهممم شي الخصوصيه في بيتك يكون مكانك وحوستك انتي وعيالك فوق وضيوفك مكانهم جااهز تحت ماتشيلي هم اذا جوك الضيوف تقفلي اللي فوق وتنزلي تحت... اشوف دور ماينفع ابد كله مفتوح ع بعض ومافيه خصوصيه.. اماااا فكرت دورين الاكل والمطبخ تحت والنوم فوق غللللط ماتنفع الا اللي عندهم خددم وحشم..

نصيييييييحة
لا تقربي الدورين
ولا حتى مجرد تفكير
كل اللي قالوه الاخوات
عن سوء الدورين
انا اقوله كله لوحدي

الدورين أفضل مليون مرة ومن تجربة بس أهم شي يتم تأسيس مصعد للمستقبل وفي الدور الثاني يكون فيه مطبخ صغيرون للأكلات الخفيفة والسريعة وانا عندي غرفة غسيل في الدور الثاني ومرتاحه مرة الحمدلله وتحت جلستنا اذا حبيت أنام في أي وقت أركب فوق وارتاح عن الازعاج عكس تحت كل الأصوات توصل لي وماارتاح ,,, بنت خالي دور واحد وهي حاليا نفاس زوجها دايماً بره البيت بسبب الضيوف والإزعاج ...
الدورين فيه ميزات اكثر واجهة البيت حلوة وكل شي فيه مرتب ويفتح النفس ,,,
اذا عندي ضيوف مستحيل أحد يشوف غرف النوم كل شي فوق مستور وعايشين اولادي براحه وهدوء عكس اللي بيتهم دور قمة الإزعاج ,, ولو يجوني ضيوف فجأة مجلسي نظيف ومرتب ويفتح النفس في كل وقت واذا على التعب الدور متعب اذا كان كبير ونفس الشي الدورين لابد من التعب .