اللي ساكنين في بيت اهل الزوج

السلام عليكم بنات قبل فتره انتقلت لبيت اهل زوجي و مرت اخو زوجي ساكنين في بيت اهل زوجي من زمان فتصلت و قالتلي اذا محتاجه اي خدمه في النقل و غيره انا حاضره تشكرت منها و ماطبت منها شي طبعا يعني كانت بادره طيبه منها مرت الايام ..
المهم و البيت فيه جهتين لمواقف السيارات الجهه الاولى مليانه و الجهه الثانيه في مجال لسيارتين بالاضافه لسياره اخو زوجي و مرته وفي باب للدخول المهم قلت حق زوجي اتصل باخوك من باب الذوق وقوله راح نصفط صوبكم مو استئذان لكن من باب الذوق لان البيت بيت عمي ابو زوجي.. الصدمه ان اخو زوجي قاله بما معناه لاتصفط مرتك انت اصفط عادي!! بصراحه انصدمت من رده و عجزت افهم المغزى!! والمدخل يصير صوب باب شقتهم لكنه باب عام للبيت!!
مت حره يومها لكن ماحبيت اكبر الموضوع خاصه علاقه مرت اخو زوجي مع اهله مو ذاك الزود ماحبيت تصير مشكله بينهم وانا توني ناقله.. ومابي اضيق خلق زوجي اكثر لان اهو بعد انصدم منه و قال يتوقع السبب زوجته!! الله اعلم عاد لها علاقه او لا..وقبل لا انقل كانوا خالتي (ام زوجي) و حماتي يحشون فيها و يشتكون منها الله يهديهم جدامي ولما نقلت للسكن عندهم بطلوا هالطبع حمدلله.. لكن انا صار بنفسي شي عليها و على زوجها من موقفهم هذا خاصه ان وقتها كنت حامل
صرت رسميه حيل معاهم و كلش ما احسب حساب لاي شي يقولونه لان مجرد كلام اذا مصفط سخيف سوو قصه ولاتصفطين..

اللي ساكنين في بيت اهل الزوج و معاهم زوجات اخوان الزوج شلون الوضع عندكم؟ وليش جذي لاتقولون غيره اهي مو ناقصها شي بعد وليش تبدي الاستعداد بمساعدتي مجرد كلام واهي جدامي تسولف و عادي ولا كأنه و ماتقصر اذا في مواجيب او شي تييب و هدايا