اختي نواعم .. الله يتقبل منك ان شااء الله وييسر لك الحج بس لاتنسين ادعي لنا ..

زياده على اللي قالوه البنات الله يجزاهم خير.. خذي معك كيس او شنطة يد كبيره شوي اذا رحتي عرفه ومزدلفه تحطي اغراضك فيها لأنك ماراح تاخذي معك الشنطه الكبيره ..
هذا الكيس تحطي فيه سجاده وبطانيه خفيفه ( مثل اللي يبيعوها في كارفور والسدحان) وطبعا كتب الأدعيه والمصحف وومكن تاخذي فيها عصير ومويه من الحمله لأنها أحيانا تخلص بسرعه في عرفه ..

اهتمي بشنطتك اللي دايما معك ويكون فيها الجوال وفلوسك ومصحف صغير وياليت لو تكون من اللي تلبس وتكون على جنب ، وحطيها داخل العبايه مو برا .. لأنه يكثر النشل وسرقة الشنط ..

آخر يوم للرمي اذا انتم متعجلين لاتستعجلوا في الرمي ويصير مثل ماصار العام من الزحمه الله كفانا شرها .. والله كان بيروح فيها زوجي بس الحمد لله رجع لي سالم الله يقبل ..

غير كذا اختي احرصي على البنطلون أو الشورت وخاصة وقت الطواف والسعي حتى ماتجيك حساسيه ..
العام قالوا بيكون برد .. صحيح براد حلو بس لاتشتين في ملابسك خذي اشياء ربيعيه خفيفه وخذي معك بجامتين داخليه اذا احتجتي والنوم خذي لك البطانيه الناعمه من السدحان او كارفور ..

ترجعون بالسلامه .. :)

جزاتس الله خير , فعلاً ياحبي لتس كل اللي قلتيه وقالوه البنات مناسب !!
لكن انا اباخذ ملابس شتوية لاننا ماراح نكون في منى , راح نكون في مزدلفة طول الايام
ومزدلفة برد معروفة :) , مشكورين يالغالين , لاحرمني الله منكم

لاتأخذين مزيل عرق او صابون حتى تتأكدين من حكمهااو انها 100%غير عطرية 0ايضا حطي في بالك انه لازم تكوني دائما على وضوء لانك بتواجهين زحمة في الحملة عند دورات المياه وقد يفوتك فرض الصلاة بالذات ليلةالنفرة من عرفات الى مزدلفة 0وفقك الله وتقبل منا ومنك صالح الأعمال0000

ذكرتيني الله يذكرك الشهادة

أختي .... نصيحه من القلب

لما تجون تنتقلون بالباصات بين المشاعر

لا زم ما تكونين مكثره شرب ..... وتكونين على وضوء

لما حجينا السنه الماضيه ... إزدحام شديد بالطريق ... قعدنا في الباص أكثر من خمس ساعات

وشوفي الحوسه والإحراج ... للي تبي تروح للحمام أكرمكم الله

أصحاب الحمله الله يجزاهم خير

حطو خيمه في الشارع للي يبي يفك .... والله إحراج

اختي نواعم الله يوفقك ويسهل عليك حجتك ادعيلي فانا محتاجه للدعاءان الله يشفيني ويمتعني بالصحه والعافيه وان الله يسخر لي زوجي ويجعله قرة عين لي ويحعلني قرة عين له ويصلح لي عيالي وان يهديني لكل مايحب ويرضى ويعفو عني