اللي سبق نقلوو لبيت ثاني... تكفوووون الله يجزاكن الجنه ابغى تجاربكم في الترتيب !!!

اهلين الف مبروك الله يهنيكم فيه ويسعدني اكون اول من يرد عليك و***** الله افيدك

اولا على حسب عددكم بالبيت اذا العائله كبيره يبي لك قبل النقل بشهر زاذا العائله صغيره اتوقع يكفيك اسبوعين رتبي الاشياء اللي ماتحتاجونها مثل التحف والرفوف و شهراللوح والابجورات غلفي التحف تغليف حلو بجرائد او باللي تحبين وحطيها بغرفه مسكره والابجورات واللوح اللي تخافين عليها غلفيها عشان مايصير عليها شي وقت النقل وخصصي غرفه كل ماخلصتي من غرض حطيه بنفس الغرفه والاواني تبع الطبخ لمي اللي ماتبينها وغلفيها ورتبيها بكراتين

والملابس حطيها بشناط والتحف والاشياء اللي تخافين عليها انقليها انتم شخصيا لان بعض الاغراض تنعدم عليك ولازم تحرصين في نقلها زي اللي فيها قزاز

انا يوم نقلت كنت عائله صغيره واخذت 3اسابيع قبل النقل طبعا التحف اللي مابيها والمرايا والابجورات والرفوف شلتها وماعاد استقبلت احد والاسبوع الاخير قبل النقل خصصته لاواني المطبخ والمواعين شلت كميه كبيره من الاواني اللي مااحتاجها والملابس بعد بالاسبوع الاخير والله يعينكم تعب بس انا كان عندي شغاله ساعدتني شوي

ألف مبروك البيت الجديد و يجعله منزل مبارك ان شاء الله ...


أنا توي ناقلة من شقة إلى بيت كبير و لله الحمد .. أدعولي ببيت العمر يا بنات ..

المهم ..

شقتي بعد كانت كبيرة و لله الحمد و آنة من النوع اللي أشتري كثير و بالتالي الأغراض كانت كثيرة كثيرة كثيرة ... و على فكرة النقل هذا أدبني إني ما اشتري الا الشيء المهم و اللي احتاجله و إني أرمي الاشياء اللي ما احتاجها أول بأول أو أعطيها احد يحتاجها ..

أهم الأشياء اللي جربتها في النقل و أحب أفديج فيها /

جمعي كوارتيييييييييييييين كوارررتييين كوووارتين ... و من الحجم الوسط و ليس الكبير جدا .. لأن النوع الكبير جدا مثل كوراتين الثلاجات و الغسالات لما تملينها أغراض راح تكون ثقيلة في النقل و احتمال تنشق و تطيح منها الأغراض في النقل...

ومهم يكون عندج الشريط اللاصق العريض اشتري كمية منها علشان تغلقين الكواراتين بعد ملئها بالأغراض ..

و مهم أيضاً قلم عريض (ماركر) عشان تكتبين على كل كارتون شنو فيه بالداخل ... لأن إذا حطيتي الاغراض بشكل عشوائي و ما كتبيتي راح تحوسين حوسة حوسة ,, تفتحين شو و تخلين شو .. فنقطة الكتابة مهمة للغاية ..

نجي ألحين لوضع الإغراض في الكوراتين ..

كل يوم سوي غرفة ..

إذا اشتغلتي على هالأساس راح تخلصين في اسبوع .. مو اكثر..

كل يوم فضي روحج لغرفة واحدة ..

مثلاً غرفة النوم ,, فيها الملابس حطيها في شناط السفر إذا عندج .. و الباقي في الكوراتين أو أكياس القمامة الكبيرة , خخخخ تنفع ترى كثير .. و اهم شي تكتبين عليها .. تلصقين عليها شريط لاصق أبيض وتكتبين عليه الثياب الموجودة ( شتاء او صيف)

و بعد كذا تفككون الأسرة و تحطونهم على جهة عشان بعد كذا ينقلونهم العمال ..

و إذا كان الأثاث من النوع اللي يتأثر بالنقل مثل الخشب ,, غلفيه ببلاستيك الفقاعات .. عشان ما يتأثر بالنقل..

أما المطبخ فوووواويلالالاه ,, خخخخخ

لأن فيه مواعين تتكسر و كذا ., فتحتاجين تحطينهم في كوراتين ولكن بكميات قليلة في كل كارتون حتى ما تثقل عليه و تنشق..

اممم شنو كمان ؟؟

طبعاً الكتب و غيرها ايضا نفس الطريقة ..


و نصيحة مني .. كل ما تخلصون غرفة روحوا البيت الجديد و املوها ,, عشان تنتقلون للبيت الجديد و انتوا مرتاحين ..

و ابتدوا أول شي في نقل أغراض المستودع أو المخزن ,, ثم المواعين و الكتب و أثاث الصالة والأجهزة ,,, و آخر شي الأسرة

و بالطبع هالأسبوع راح يكون اكلكم من المطعم ههههههه

و هذي ترى فرصة جدا جميلة للتخلص من الاغراض الزايدة الي ما لها داعي ..


هذي خلاصة تجربتي ان شاء الله تكونين استفدتي منها ..

تحياتي

للرفع

زي ماقالت ام كوثورة