• بالنسبه للسعوده انا مافتي اذا هي حلال ولا حرام بس اللي اعرفه ان اللي حطو قوانين التوظيف الملتويه وتحديثات حافز اللي تجيب المرض النفسي وصعبو علينا الدخول للجامعات والدراسه ،، هم السبب اللي يخلون الواحد يلف ويدور على الانظمه عشان ياكل لقمة عيش

انا لي ثلاث سنين متخرجه وتخصصي مطلوب بالتعليم والصحه ومعدلي زين ولا شفت وظيفه للحين ؟ وش نسوي لهم يعني ؟


وفلانه بنت فلان الفلاني فاشله وماتداوم ومتخرجه بالدف والقاها متوظفه بجامعه على مكتبها وتستلم ذاك الراتب ؟


بالنسبه لك ياصاحبة الموضوع زوجك ياخذ الباقي ولا يجعه للشركه ولا شي الشركه تقدر تقسم لك الفلوس وينزلون لك نص وياخذون نص مهي صعبه عليهم عشان ينزلون المبلغ كامل بحسابك ثم يرجعون يرسلون زوجك ياخذه ؟


هذا انا مسجله بشركه وينزل لي 1500 وادري ان الشركه تبلع الباقي !

بنات مو معناه ان حافز ينخصم اننا نلجى للحرام
يوم القيامه تحاسبين لحالك هل بتقولين لربك فلان بعد مثلي
كلن نفسي نفسك يوم القيامه
نظام السعوده نظام كذب وحرام وحنا كمسلمين المفروض نعرف ان هالشي حرام
وش الفايده يابنات اذا تصلون وتصومون وتاركين الاغاني والمنكرات وتاكلون مال حرام؟


انا عاطله 7 سنوات ماتركت مكان ماقدمت عليه وكل يوم اقول بكرا بتجي الوظيفه
جتني وظيفه سعوده براتب 1500 وانا نايمه لاكن رفضتها فكرو فيها ترضون تاخذون راتب وانتم نايمين
حلات المال لما يطلع من تعبك وشقاك وتحسين فعلا تعبتي عليه لان هذا مال الحلال


الله يغنينا ويغنيكم ويتوب علينا جميعا
استغرب استغرب من كثير تحرم الاغاني واللبس وتاخذ من مال الدوله وتقول حافز يخصمون

والله انا بعد تجيني سعوده بس هاذي السعوده من فلوسنا ومن مشروعنا ومدخوله لنا وفيه زياده حق السعوده يعني ماهي من احد غريب لانهم مايقدرون يوظفون سعوديين فيها مافيه سعودي او سعوديه يبي يغسل ويكوي ملابس

وتلي ينزل لي ثلاث الاف كامله والله ماياخذوون ولا ريال لهم

ﻻضطرو يسعودون الانهم يحتاجون عمال ولازم يسعودوون عشان الفيز ولا من بيشتغل لهم والله حرام سعوديين وجامعيين ماعندهم وظايف وهندي يسوق سياره ويغسل ويكوي راتبه الف وثمان ميه طيب بدل هالسعوده يوظفون البنات الي جالسات في البيت بعضهم تحتاج للوظيفه واهلها فقراء والحين طالعين على بطلعه لازم انجليزي اكثر الوظايف صارت معقده وماتلقين بالساهل واكثرهم يبون خبره او انجليزي غير ان الاهل لبعض مو الكل ماتبي بنتها تروح تشتغل بشركه وتخالط الرجال وكل شخص له ظروف وترا مو كل وحده متزوجه جالسه في بيتها زوجها يكب عليها دراهم ولا زوجها مو مخليها محتاجه شي البعض ضعيف زوجها ماديا والبعض زوجها بخيل وترا مو كل الناس ظروفها زي بعض ومو لازم الوحده تكون حد الفقر عشان تتوظف اول شي بعضهم زوجها ماديته ضعيفه وعندها عيال واجد يبون اكل وشرب وملبس ومسكن غير مصاريف المدارس ويكون عندها عيال صغار دون المدرسه والحضانات صارت بفلوس وش يبقى لها لو توظفت مع المواصلات بعد بفلوس فتضطر انها تدخل سعوده ومانحكم على الناس لاننا ماندري وش ظروفهم انا شفت ناس كذا كثير اي شي ويمكن تجهل حكمه وانا قلت لكم توني ادري عن حكمها ولا عمري فكرت انها حرام ولا لا

ما يجووووز مايجووز وهذا مال حرام لا تقولون مسكينه محتاجه الله يرزقها مو معناته تاكل مال حرام عشانها محتاجه...مو غريبه زوجك ياخذها اصلا مافيه شركه تغلط غلط غبي زي هذا والمشكله زوجك ماهو متفشل يدقدق عليهم ويطلب واضح انها لجيبه ومصلحته عشان كذا مو هامه.