شوفي وانا اختك ترا كل الرجال مايملا عينهم غير التراب اهم شي الثقه خليك واثقه من نفسك ايش ماقال قوالي احمد ربك اني خذيتك
انا اعتبر ماشاءالله بيضاء مره ومعروفه ببياضي بس زوجي بياض على زهر ماشاء الله يعني اللي يشوفه يحسب فيه عرق هم بعد يعلق
تدرين شقول له!!
اقوله احمد ربك اني خذيتك واجد لك وحيل واثقه من نفسي
وه وبس فديته  

قطع ..وش خلى للحريــــم ؟؟؟




إذا عايرك بلونك ..قولي له اسود فكاك نياقه , وابيض مراعي ظلــه هع <<< الي تفهمها لها جايزة حلوتن بالحيييييل:42:

اذا صار يتمدح ببياضه وجماله
قولي اول مره اسمع رجال يتمدح ببياضه او جماله
اللي اعرف ان الحريم والبنات هم اللي يتمدحون بالبياض والجمال
والرجال يتمدح بمرجلته وشهامته وبفعايله الزينه اللي ينذكربها مو بنعومته اللى اذا انت في شخصيتك شي الله اعلم
واتحدى اذا عاد قال شي

ياالله اش عقليته المتخلفه هاذي ماعليك منه واذا قلك مره ثانيه قولي والله محد طقك على يدك وخلاك تخطبني واصلا الكل يقول عني حلوه يعني عاجبه الدنيا كلها الاانت وخلك واثقه بنفسك وكثري استغفار واذا حابه وجهك يفتح خذي كريمات من الصيدليه من غير زوجك مايعرف لاكن ابر لا لاتجازفين بنفسك

هلا حبيبتي ... أسمحي لي زوجك ماعنده سالفة ... وأنتي لاتخلينه يهز ثقتك في نفسك ... قولي لوني هو اللي مزيني ..

أنا لوني خمري فاتح يعني بالعامي صفراء ههههه ... وزوجي أبيض جدا على وردي .. وفي بداية الزواج يقول لي لو أنك

بيضاء بس ...

وكنت أقول له هذا لوني ومعجبني ماأحب البياض الزايد أهم شي لوني موحد وبشرتي صافية ..

والهنديات أحلى الحريم سمر ...

وكنت أقول ماسمعت الأمير خالد الكبير تراه قايل هالقصيدة فيني هههههه ...

خليه يقراها ... ودايم قولي لوني معجبني وكل الناس يمدحونه ... أهم شي الملامح الحلوة ... وش فايدة بياض على شين ..

هذي القصيدة .... ( متحمســـــــــــــــــــــــة ) ههههه ..


(خمرية من لون الأطعاسي )



واكبدي اللي لهيب الوجـد محرقهـا . . . اونس لواعيجها مع حـر الانفاسـي

اشرب عليها من البـارد ومغرقهـا . . . لاشك عيـا يطفـي حرهـا كاسـي

على هنوفٍ شعاع الشمس ناشقهـا . . .خمريةٍ لونها من لـون الاطعاسـي

الزين فيهـا حقيقـه لـو تحققهـا . . . الراهب الملتزم سبـح وهـو ناسـي

لا كحـل لا روج لا مكيـاج لاحقهـا . . . الزين فيها طبيعي مثـل الالماسـي

الخد شمس العصر يطربك شاعقهـا . . .ماكنها ياعرب مـن طينـة الناسـي

والعين عكشا هدب..نجـلاً يسارقهـا . . . من زايد الغنج خدرة نـوم ونعاسـي

والشعر الاكثل خطير يتـل عاتقهـا . . . لى فلته وانهمـر لأعطافهـا كاسـي

والكشح هافـي وضامـر ماتعلقهـا . . . طفـلٍ ولا مسهـا جـنٍ ولا ناسـي

والعود من شجرةٍ غضـه مطارقهـا . . . طلع الثمر فيـه لا ليـن ولا قاسـي

الى حكت حـس نبرتهـا ومنطقهـا . . . هديل ورقاً تهيـض كـل حساسـي

والعود والمسك ينضح من معارقهـا . . . والورد والزهر من نفحات الانفاسـي