اللي سمعت او عملت طريقه وتخلصت فيها من العين اللي تمنع الزواج تدخل

السلام عليكم ياحلوووووووووات


اولا انا بحكيلكم قصتي

انا عمري 24 سنه وفيني عين تمنع الزواج

من يوم انا صغيره وانا انخطب كثير وتتفركش كل خطوباتي طبعا

وحده فيهم جلست سنه ونص مخطوبه وقبل الزواج بكم شهر صارت مشاكل ورفضت

المهم لو احكيكم عن خطوباتي والسخافات اللي كانت تصير ماخلصنا بس نخليها بالقلب تجرح

يعني تعرفون لما تحسون ان المووضوع فيه إن وفعل فاعل لدرجه امي كانت تحسب ان في ناس تخرب علينا

وعلى فكره اغلب اللي يجون يشوفوني من الي يخطبون يعجبون بشكلي مره

وبنت من عيله معروفه وجامعيه

يعني تحسون في سبب ثاني عموما انا ماسبق احد جاني ورفضني انا اللي ارفض من الحركات السخيفه اللي تصير

أو يشوفوني ناس بمكان وينعجبون فيني ويجون بيخطبون والرجال تكلم ابوي فجأه يختفون

صار عندي تبلد وحطيت حرتي بدراستي

خاصه بخطوبتي الطويله اللي كلها مشاكل وكنت اغض النظر واعدي واعدي على اساس ممكن يارب هالمره تتم خطوبتي اللي استمرت سنه ونص تساقط شعري منها وزاد وزني من الهم < لما يجيني الهم اسمن
:44:

وانا وحده ما اتشرط ولا شئ عادي المهم موظف واخلاقه زينه وقبيله مثل اي بنت يعني


المهم بعد فصخ خطوبتي كان اللي حولي يقولون انتي فيك عين وانا كنت احلم احلام مزعجه بصراحه احلم ان عيوني فيها وصخ واحلم بجن واحلم براقي لونه اسود بالحمام واحلم بانسانه معينه من عيلتنا

بس انا ماكنت اهتم اقول لا مافيني الا العافيه

ومرت الايام وانخطبت اختي الاصغر مني والحين تزوجت وطبعا كل بنات عيلتنا وصديقاتي اللي بسني والاصغر مني تزوجوا الله يوفقهم يارب

وصرت اقول خلاص الزواج مو كل شئ انا بعيش حياتي بدون زواج وشديت حيلي بالدراسه في تخصصي وتخرجت بمرتبه شرف الحمدلله

ايام الدراسه كان فيه دكتوره اجنبيه يعني مو سعوديه معجبه فيني مدري شفيها احس انو فيها شئ نفسي ... الدكتوره ذي كانت تقول لي كلام مش طبيعي

مثلا تجي عندي بالكلاس تقول عيونك هذي حقيقي والا عدسات !! ومرات تجي تقول قومي من ورا تعالي اجلسي قدام بالكلاس ابي تنفتح نفسي لو شفتك ومرات كذا توقف الشرح وتقول لي ليتك معاي بالكلاس اللي الساعه 8 عشان تنفتح نفسي والا ايه الجمال ده وزي كذا

بشكل مررررررره ملفت لدرجه بنات الكلاس يتمصخرون علي ويعيدون الكلام علي بعد الكلاس

الزبده هالدكتوره ماتعرف حتى اسمي ولا اشارك بمحاضرتها ولا شئ وتصرفاتها اصلا مش طبيعيه ماتقولون يعني تحبني من شطارتي والا شئ ماتعرف اسسسسسسسسسمي حتى

المهم بذيك الفتره صرت احس بتنمل برأسي يعني تعرفون الرجل لما تنام وبعدين تصير ذبذبات وتنمل

نفس الشئ صار براسي وانا خفت اخذت من اثر هالدكتوره ورحت للشيخ مده اسبوع اول مادخلت عليه امي قالت له عن مشكلتي مع الزواج وهيك اول ماقرأ علي .........

بس نفث انا طحت اغمى علي بس مسكوني وبعدين قعدوني على الكرسي وجتني رغبه بالبكاء بس مسكت نفسي

المهم تردت حالتي النفسيه بعد هالشئ وماكملت عند الشيخ

جربت اقرا سوره البقره كامله كل يوم جلست 3 ايام وصارت لي مشاكل الدنيا ولما اتركها تروح هالمشاكل استغفر الله اكيد مو من السوره انا سألت قالوا هذي الشياطين تتضايق من السوره فتأذيك :44:

مرت سنين بعد هالسالفه وانا ما اتعالج ولا شئ وقلت خلاص مو لازم زواج بس الحين تعرفون العطاله والزهق لا وظيفه ولا شئ توقعت مستقبل مبهر بعد تخرجي لكن للاسف تحطمت

وصديقاتي يهاوشوني تعالجي قبل لاتمر سنين وتندمين بس انا ماحب اروح للشيخ :44:

في احد سوا طريقه بالبيت يابنات وراحت العين هذي انا ابي اسويها وافتك حتى لو ماتزوجت مو مشكله المهم احس اني بخير وان الموضوع مجرد نصيب مش عين او سحر

ادري طولت السالفه كثيررررررر سامحوني بس هذي فضفضه سنين ماقولها لاحد الا المقربين من القلب عشان لايقولون مشفوحه على الزواج وانا ماني مشفوحه على الزواج انا ابي اصير بخير وبس

مشكورين حبيباتي مقدما