اللي سوت أطفال أنابيب او تلقيح(( ونجحت)) العملية تدخل لو تسمح >>>

السلام عليكم خواتي ...أمس حللت تحليل دم لأني مسويه عملية انابيب من اسبوعين وهذه رابع مره اسويها وطلع صفر :( ورغم انه نزل علي دم قبل يومين بس كان عندي أمل ....والحمد لله على كل حال ....

مادري اذا الاسئلة اللي بسألها متكرره بس انا دورت وسويت بحث وما لقيت الاجوبة
:(

اللي سوت أطفال أنابيب او تلقيح والعملية(( نجحت)) ... بغيت أسأل كم سؤال والرجاء منكم الاجابة ...

1. ما هي الادويه اللي عطوج اياها ((بعد)) عملية ادخال البويضات الملقحه؟
((يعني انا مثلا سويت العمليه في مكانين مختلفين وفي المكان الاول عطتني دوفاستون وفوليك أسيد..وفي المكان الثاني عطوني تحاميل بروجيسترون للتثبيت وفوليك أسيد))

2.متى سويتي فحص الحمل وطلع ايجابي؟؟ وهل حد منكم طلع عندها سالب وبعدين طلع موجب؟؟وهل فحص البول ينفع في هذه الحاله ولا لازم تحليل دم؟

3. هل في حد منكم نزل عليها دم قبل التحليل ورغم ذلك طلع التحليل موجب؟ وهل ممكن ينزل دم بعد ما تشوفين انه موجب؟؟

4. هل تحسون بشي معين مثلا دوخه او أي شي قبل عمل تحليل الحمل؟ يعني بمعنى آخر هل في علامات نعرف من خلالها ان العملية نجحت وفيه حمل قبل ما تسوين تحليل الحمل؟؟ومتى تظهر العلامات؟؟ وما هي؟

5. اذا كانوا حاطين لك 3 أجنه مثلا ...وواحد اللي ثبت....وين يروحوا الاثنين الباقين.؟ هل ينزل مع الدوره او متى ينزل بالضبط؟


هذا اللي يخطر في بالي الحين واذا في أسئله ثانيه بسألها بعدين واستحملوووووووووووووني الله يخليكم لأن وددددددي أعرف الاجابات وانا عاااااااااارفه انه يختلف من وحده للثانيه بس ودي بالاجابات الله يرضى عليكم ....وجزاكم الله خير ...