انا توني سويتة في مركز الدكتور سمير عباس
وسواة لى دكتور سعد الدين
ورجع لى اربع اجنة فيهم واحد يقول انة ممتاز جدا وواحد يقول عنة انة انقسم الى ثماني خلايا
لاكن عندي عدة استفسارات
1-من يوم دخلو الاجنة والحرارة ماتنخفض الا بمسكنات هذا عادي ولا لا والمسكنات هى ثؤثر علا الاجنة ولا لا؟
2-كم نسبة نجاحها
3-ومن من الاخوات الى نجح معها اطفال الانابيب من اول مرة ياليت تقولنا
-4-وياليت كل وحدة من الاخوات سوت اطفال انابيب تشرح لنا خطوات العلاج من اول مابدات حتى نفيد ونستفيد من بعض

هلا وغلا باختي ام افنان
ان شاء الله يكون حمل وتفرحين فيه وتبشرينا قريبا انك حامل
شوفي يا اختي انا سويت حقن مجهري وعشت كل احساس قلتيه وكتبتيه وسبحان الله كأنك رجعتيني الى العمليه مع انها طاف عليها ست اشهر ذكرتيني بكل شيء مع انه ما ينسي اول شيء انا اتعالج من هرمون الحليب لانه مرتفع عندي هاي المشكله اللي عندي ومشكلة زوجي ما فيه حيوانات منويه يعني ما يصير حمل طبيعي لازم نسوي حقن مجهري وفي نفس الوقت لازم اهو يسوي عمليه على اساس ياخذون خزعه من البتاع اعتقد فاهمتني لانها الطريقه الوحيده اللي يحصلون فيها حيوانات واول ما ضبط الهرمون عندي استمريت على الحبوب الى موعد العلاج اللي يتحدد مع بداية الدوره طبعا وصفت لي الدكتوره قبلها بشهرين حبوب فولك اسيد ومع بدايه الدوره خذت ابر في الكتف لمدة سبعة ايام ومن اليوم الرابع ابر الفخذ وفي اليوم السابع سوت لى سونار وقالت انه بعد يبيهلم كم يوم لانهم ما وصلوا للحجم المطلوب وبعدها سوت مره ثانيه سونار وقالتي انه خلاص وصلوا للحجم اللي نبيه وعطتني موعد للابره التفجيريه وبعدها بيوم يكون موعد العمليه لي وعملية زوجي وطبعا لازم نجيهم واحنا صايمين من بالليل ودشينا مع بعض القسم واول شيء حطو لي دواء اصفر يقولون انه زين للبويضات ودخلوا زوجي قبل وخلص ما خذله الا ربع ساعه بعدها دخلوني وطبعا بنج كامل واول ما قعدت عطوني ورقه على اساس اتصل فيهم ثاني يوم علشان اعرف كم اجنه اللي لقحوها واللى لقحوهم 2 لانه الحيوانات كلش ضعيفه بس البويضات قويه ما شاء الله حتى كان عددها كبير ورقدت في المستشفى لانه كان عدد البويضات كبير فخافوا انه تصير مضاعفات وبعد يومين رجعوا الاجنه وبعد ظليت في المستشفى وانا عندهم صارلي شيء كنت بروح الحمام كرمكم الله وصادتني دوخه وطحت على الباب وانجرحت في راسي وخيطوا لي ثلاث غرز وهنا حسيت خلاص انه ما فيه امل بس حاولت اقنع نفسي ورجعت البيت وزوجي ريحني اخر راحه الى موعد التحليل وحللت دم وكانت النتيجه محطمه سلبيه وبكيت الين قلبي انحرق من البكي والحمدلله على كل حال ووانتظرت خمس ايام وبعدين حللت وبعد سالب وتركت الدواء اللي اهو تحاميل ونزلت على الدوره وهاي تجربتي مع الحقن واليوم كان عندي موعد مع الدكتوره على اساس اسويها مره ثانيه بس طلع الهرمون مرتفع واول ما يضبط راح ابتدي ان شاء الله وهاي قصتي كلها مع العلم انه صار لي متزوجه ست سنوات وسامحوني اذا طولت عليكم
اختكم الريم

parere :24:
مشكوره على تفاعلك معي......
بالنسبه لاسئلتك ماحسيت بهذي الحراره وبصراحه اول مره اسمع عنها بس اتوقع انها من التأثيرات الجانبيه
يمكن للهرمونات في الجسم

تترواح النسبه العالميه لحدوث الحمل بطريقة اطفال الانابيب بين(20-40%) للمحاوله الوحده وذلك يعتمد
على اسباب عدم الانجاب وعمر المرأة وفحص fsh في اليوم 3 في الدوره.........
نقلته من الكتيب الموزع في العياده مشروح فيه كل شيء بشكل مبسط وبالصور.........

فيه الكثير اللي ينجح معهم من اول مره بس كله بارادة رب العباد........

الخطوات باختصار:
1- اشعه مهبليه 2يوم من الدوره لتأكد من سلامة الرحم وسمك البطانه
2- يقرر لك عدد من الابر المنشطه للمبايض مع عدد مماثل من الابر تحت الجلد لمنع نزول البويضات
3- اشعه مهبليه 9 يوم من الدوره لرؤية حجم البويضات وفاعلية الابر اذ من الممكن زيادتها....
4- ابره تفجيريه تعطى في ساعه محدده...
5- موعد سحب البويضات والصيام قبله للتخدير تستغرق ثلث ساعه من تخدير الى افاقتك......
6- موعد ارجاع الاجنه مثل الكشف النسائي وتشربين مويه لانهم بيحطون جهاز الاشعه عشان تشوفين
الاجنه وبعدها تمددين في السرير لمدة ساعه اوساعتين.........
7- تلتزمين الراحه خصوصا الايام الاولى لتمكين الاجنه من الانغراس بعد مشيئة الله ويصرف لك الدفاتسون
لزيادة سماكة البطانه وابر تثبيت او تحاميل مهبليه........
بعد اسبوعين تماما من ارجاع الاجنه اليوم المنتظرلتحليل الحمل.........
:26::26::26:

الريم :24:
اشكر لك كتابة تجربتك وافادتنا بها ونعتذر عن تعبك في كتابتها.....
المره الثانيه احرصي الممرضه توديك دورة المياه لانه من الواضح رحتي وماكملتي افاقه من البنج
الله يحميك من الشر.........
طيب عندي سؤال هرمون الحليب يأثر على النتائج لوكان مرتفع....
وبعد وش الماده الصفراء ياليت تسألين عنها....
والله يرزقني واياك وكل محرومه بدون عمليات ويعجل لنا بالفرج ويجعل مااصابنا تطهير من الذنوب.......
:26: :26: :26:

اختي ام افنان

مريت بجيع المراحل الى قلتي عليها لاكن ماحطو على اشعة حتى اشوف الاجنة وهم يدخلونها

جزاك الله خيرا يا ام افنان على ردك على اسئلتي
00000000000000000000000000000000000
ام المقبل فعلا كلامك صحيح عن المستشفى الحرس حتى اني قلتلهم ليش ما تراعون عمر الوحدة وان ما عندها اولاد مو الي عندها 3 زي الي ما عندها شي قالوا كله بالمواعيد
بس بالنسبه للدكتور السلمان والله حبوب وتحسين انه فاهم كل شي
بس انا الي سحب لي ورجع لي الدكتورة الجوهرة كانت تنصحني بالذكر والدعاء جزاها الله خير

00000000000000000000000000000000000000000000000000


يا حياتي يا الريم هذا خطاء الممرضة لازم تكون معك في الحمام انا ما تركتني بعد البنج لين وصلتني لزوجي تخاف اطيح عليهم مع انه مو بنج كامل 00الحمد لله على سلامتك
00000000000000000000000000000000000000000000000000

قولوا امين ما يحول الحول الا واطفالنا معنا اللهم امين