اللي سوت معالج لشعرها . .

سويته مرتين وشعري مثل ماهو ماتغير
أصلا شعري من قبل البروتين وهو يتساقط طبيعي
على حسب طبيعة الشعر طبعا
بس ماعجبني وماحبيته
إذا طبيعة شعرك ناعم انصحك ابعدي عنه افضل واهتمي بالزيوت افضل

المعالج له إيجابيات وسلبيات بالنسبة لي سلبياته أكثر وسويته مرة ولا عاد ارجع له
هو يخليك ترتاحين جددا ماتشيلي هم الطلعة وصرت فترة المعالج احب الطلعات قبل اشيل همها بسبب السشورا وتوابعه
فقط هذي الايجايبية
السلبيات
ثمنه مرتفع نوعا ما
والشامبو والبلسم تبعه ايضا غالين
الشعر يززيت بشكل مع ان شعري كان جااف لكن بعد المعالج صار دهني بشكل لازم اغسله قبل الطلعة بشويات ولا يصير زيييت😫
تساقط فضييييع توقعت ابقا بدون شعر بالأخير😭

رائحة الشعر كريهة جددا وتجلس فترة ماتروح
وايضا هو عبار عن كيماويات اكيد مضرة لان رائحة الخليط نفسه تكتم وتطلع أبخرة جدا كريهة وكاتمة
بالنهاية عن نفسي ماانصحك فيه.

كذب × كذب عليك بحمض الفوليك هو اللي يزين الشعر وزيت جوز الهند
اما بروتين وخرابيط الدعوه تجاره وضحك على البنات

كلامك غلط
كل الممثلات والمشهورات عالميا يسوون معالجات لشعورهم وماتضررت شعورهم
تدرين ليش
لان بعض البنات يروحون مشاغل يصلخون فيه شعورهم واغلب المشاغل مغشووش وكله فرد كيماوي وليس بروتين
انما هو كيراتين مغشوش
والكثير اللي مايعرفون ان اذا قالو لك خليه ٣ايام مفتوح ولاتربطيه فهو فرد كيماوي😷كله فورمالين
ويتصاعد منه ابخره وروايح كريهه

انا واخواتي صلحناه والحمد لله مع ان شعورنا مموجه على كيرلي وعدناه ٣مرات والحمد لله لاتساقط ولاشيء
وغسلته لنا الاخصائيه بنفس الوقت بشامبو وبلسم وربطناه ولاروايح ولا شيء ولاتساقط
البروتين الاصلي غالي ومو اي احد يتقن شغله لازم مختصه احنا متعاملين مع وحده نجيبها بالبيت وماشاء الله ماشكينا ولاتساقطت شعورنا ولاصار فيها اي ضرر
وريحته تفتح النفس
واللي سوت مثلي راح تعرف قصدي
اما اللي سوت بمشغل ب٥٠٠راح تقول كلامك كذب
مستحيل اسلم شعري لفلبينيه مشاغل تلعب فيه وهم ماعندهم خبره بالمعالجات

طبيعي الشعر يتساقط سواء من البروتين او الصبغات او نقص فيتامينات او كذا من غير سبب يتساقط و يرجع يتحسن من جديد..
وترى حتى الاستشوار والسيراميك اليومي يعدم الشعر مو بس البروتين ..
انا خمس مرات اسوي بروتين اخر مره قبل يومين .. واختي من ثمان سنين تسوي بروتين كل ما بدأ يروح مفعوله ترجع تجدد يعني كل شهرين او ثلاث اشهر تسوي .. واعرف ثنتين يقولون اذا سوو بروتين و بدأ يروح من الشعر يصير الشعر يتساااقط مره ويرجعون يسوون ثاني ويروح التساقط .. يعني اذا بتسوين بروتين استمري كل شهرين او ثلاث لا تتركينه .. وفي ناس اول ما يسوونه يتساقط شعرهم .. واذا شعرك خفيف راح يبين خفه ويصير شعرك هاابط ..