تلعب عليك هي؟؟
الشفط هو يتم بابره اصلا!!

لما نقول الشي ينشفط يعني يتم سحبه من خلال انبوب

شفاط
مكينه شفط
عصا الشفط حق المكنسه
عملية شفط

كله بنفس المفهوم

عالعموم انا شافطه ظهري "بأبره"

توكلي على الله وسويها
الحمدلله ظهري نحف وصار ظهر انسانه مو كتل شحوم مقرفه

شكلي مرتب باللبس رغم ان وزني زاد ما نقص

عملية الشفط فيها امور لازم تعرفينها

اولا الشفط ما يعني ابدا نزول الوزن .. لكنه نحت ويدمر معظم الخلايا الدهنيه بالمنطقه المطلوبه و يخليها ما تسمن نهائيا
ثانيا الشفط مؤلم كأنه الم عضلي شدييييييييييييد لو اتحركتي يألم لكن لو ثابته عادي
انا اول يوم كنت حتى سرير المستشفى ما اقدر احركه

و الان لي شهرين ولله الحمد عاااااااااااادي اسافر واروح واجي
ولكن في المناطق اللي بالظهر اللي كانت مليانه شحوم ((قمم الشحوم)) احسها منمله و هالشي يرجع للنقطه التاليه

ثالثا .. الشفط يعني انهم يحقنون سوائل و مخدر فا اول خمس ايام او اول اسبوع بتلاقين المنطقه وااااااااارمه و اسمن من اول بعدين تفششششششش و لازم تسوين لها مساج يحفز العقد اللمفاويه للتخلص من السوائل و هالمساج مو مشمول بسعر الشفط لكنه رائع

و ممكن تسوينه بالبيت (( دوري باليوتيوب lymphatic drainage massage ))

رابعا .. مكان الابره يتقفل بغرزه وحده فقط تسقط خلال اسبوعين بالكثير
لكنه يترك ندبه مكانه و انتي و استجابة جلدك تحدد سرعه زوال الندبه

خامسا.. الشفط ممكن يترافق مع نزول بالدم .. كان دمي 12.3 وصار 9.3 هذا وهم ما شالوا الا كيلو واحد دهون و 200 غ جلد من صدري ((مسويه شد صدر))

مرت خال صديقتي وقفوا عمليتها لانها فقدت دم كثير "بحكم العمر" يعني بنص العمليه شفطوا كميه و وقفوا ما شفطوا الباقي

الاطباء ماراح يعرضون حياتك للخطر لا من ناحية البنج ولا من ناحية الدم علشان عمليه تجميليه

سادسا.. لا تستخسرين نهائيا في الطبيب الجيد لانه حريص على عمله وسمعته و على زباينه



بالاخير تجربتي كانت ولله الحمد سهله جدا و التفاصيل اللي فوق هذي ما تعتبر امور حيويه مؤثره في العمليه لكن لازم تعرفينها للحيطه والحذر

و ناويه اشفط بطني و اشده بس ابي ارجع دمي زي قبل ويكون مر علي 6 شهور من عمليتي الاولى

r1ksa

ياليت تعلمينا وين سويتيها في اي مستشفى واي دكتور وكم كانت التكاليف .

شوفي موضعي عن شفط الدهون

شكرا اللي رفعو الموضوع والله يسعد اللي فادنيويوفقكم جميعا ويفرج همك
طيب يااختي سوال ثاني انا سمعت ان عمليه شفط الدهون باليزر امنه لان الليزر يمنع نزيف الدم ايش رايك
وهل قبل العمليه يوقعونك ويقولون للك اذا صار شي محنا مسولين والا عادي لانه اذا قالو كدا معناه انها خطيرة
والسوال الاهم فين سويتيها شكرا حبيبنتي

بعد العمليه صار عندي فقر دم وسالت الدكتور عن السبب قال لانك نزفتي وقت العمليه بس الحمدلله الحين نسبه الهيموجلوبين عندي وصلت ١٠