اللي سويته بجوال ام زوجي صح ولا غلط

السلام عليكم
انا متزوجه وساكنه بعيد عن اهل زوجي
وهم يجون بين فتره والثانيه يعتمرون ويجلسون فتره خصوصا امه تجلس عندنا دايم وبعدين تسافر
امه تعرفت على جارتي اللي 24 ساعه وهي عندي واخذت رقمها واكتشفت قبل فتره ان جارتي صايره جاسوسه بالعربي اي شي يصير عندي بالبيت او تشوفه تقوله لام زوجي
مثلا اليوم طلعوا الساعه كذا ورجعوا الساعه كذا
اليوم طلبوا عشا من برا
اليوم سمعت بنتها تبكي وطولت وهي تبكي
وشفتها راجعه ومعاها اغراض من السوق
واليوم جاهم ناس واخبار من هالنوع يعني
طبعا بتقولون كيف عرفتي
......
انا عرفت من زوجة اخو زوجي لان عمتي راحت وجلست عندها شهر وجات وقالت لي هل فيه وحده من جاراتك اسمها كذا كل يوووم تكلم عمتي وتجلس معاها تسولف عنكم واذا سكرت عمتي الخط جلست تهاوش فيك وتقول فلانه ماسوت عشا لولدي ولا مخليه بنتها تبكي اللين الجيران سمعوا صياحها ولا سوت كذا وسوت كذا واخباري عندها
وزوجة اخو زوجي جابت السوالف اللي سمعتها من عمتي على لسان جارتي
كأنها مقابلتني وتعرف تحركاتي فصدقتها علللى طووول لأن جارتي هي اللي مقابلتني بالشقه وعيالها 24 ساعه عند الباب ويشوفون كل شي ويقولون لها


جارتي قطعت علاقتي معاها ونقلت من شقتي بدون ماتدري اني عرفت بعلاقتها مع ام زوجي
وقبل ما انقل بكل وقاحه ارسلت بنتها و قالت لي انها فرمتت جوالها وتبي رقم عمتي قلت مو عندي
وعمتي جاتنا قبل فتره ولقيت جوالها قدامي وهي مشغوله عنه ومسكت رقم جارتي وغيرته حطيت رقم عشوائي
في هالفتره عمتي ماعاد كلمت جارتي لانها كانت تعبانه ومنومه بالمستشفى ويوم طلعت جات تعتمر
اللحين عمتي مسويه ازعأج على رقم جارتي وبناتها يتصلون ويرسلون امي تبي رقم ام فلان


وانا اقول مو عندي وماهم مصدقين يبون يطلعونه بالطيب او بالغصب
زوجي مايدري عن اي شي ابد وامه كلمته وقالت هات لي رقم ام فلان من زوجها قول الوالده تبيه وانا قلت له قول لها خلاص نقلنا من عندهم وضيعت رقمه
اللحين اللي سويته صح ولا غلط ولا تقولون خصوصيه وجوالها ومالك حق
اصلا اكتشفت ان اكبر غلط يوم عرفتهم على بعض
وبعدين خلاص نقلنا من عند جارتي وش تبي فيها عمتي للحين وش يبون هالعالم لهدرجه الفضاوه واللقافه مدري وش اسوي معاهم وكل ماجاتني ازعجتني اعزمي جارتك القديمه هل اقول لها اني عارفه كل شي واني ما ابي جارتي تدخل بيتي ولا اسكت واسوق العبط
خصوصا انها بترجع لنا بعد فتره تقول باجي اجلس عندكم في الدفا ذبحني البرد 😣