طيب هم ما قالو شي !
بس اندهشو والسبب واضح انهم ما تعودو منك النزول من غير عزيمه ابدا !
ولا قد شافوك في هالوقت من غير ما يواعدونك !
فطبيعي الدهشه والخبه
ويمكن مستحين من الاكل شوي او عادي مسوينه شي بسيط ومتعودين يسوون السفره لك من الى
والحركه الغريبه بصراحه مو منهم ولا من زوجك لان الرجال للاسف كذا يحطونا بمواقف غبيه
لكن منك ليه ترسلين لاخت زوجك وهم ما جاك منهم شي !
الغلط الاول والاخير اذا بغيتي تزعلين على زوجك اللي عارف اسلوبك مع اهله وانك ما تروحين الا بعزيمه واوقات معينه ومحدده وطلب منك تنزلين فجأه عليهم لا استعدو لا لبس ولا تجهيز على الاقل يحط عندهم خبر او ما يقولك

لان لما الوحده تكون رسميه مع اهل زوجها تتحمل الرسميه
ولو يجي وحده من الغرب اللي متعودين منها الرسميه وانها ما تتواجد الا بعزايم ومواعيد بيسوون نفس الشي
بندهشون ولاعاد يدرون وش يسوون

توني اقرا الردود
حبيبتي اللي سويتيه مهوب قرصة اذن
اللي سويتيه بيترتب عليه بكره الف سالفه وسالفه وبيتذكرونها بالذات المسج
الله يعينك
بالذات انهم طيبين
بيصيرون يتحسسون منك ويعاملونك اشد من الغريبه




ههههههههههههههههههههههههههههههههههههه ياربي بطني
قمت اضحك بقوه
مصدقه حالك على هالرد
تراه ولدهم قبل يصير زوجها وهي بنت اوادم ومتربيه وباين انها طيبه وسنعه ومن بيت اجواد ما جابت طاري الذبيحه
الخرابيط ذي ما يجيب طاريها الا اللي جاي من فقر او نفسيه

ياحبيبة قلبي دام عنده اخوان كبار فأكيد انهم كانو حاسبين حسابهم على سفرة وحده. بيجلسون مع بعض

واذا انتي جيتي بيضطرون يحطون سفرتين أكيد ما استعدو لهالشيء ويمكن ماطبخو شيء يكفي سفرتين

اتوقع دهشتهم واستغرابهم. لأنك ماعودتيهم تجينهم أي وقت والشيء الثاني لأنك جيتي وقت عشاهم وماعندهم شيء يحطونه لك سفرة ثانية

والله انتي مرررره كبرتيها ولافيه شيء يزعل وأكبر غلط انك ارسلتي الرساله. اللحين دوري ترقيعة لعمرك لاتخسرين الناس دامهم كويسين معك. اعتذري من اخت زوجك مافيها شيء

انتي غلطانة جدا
المفروض ارسلتي زوجك يقول انها بتجي عندكم

بعدين سخيفه حركته .. وش اللي انا جايب الذبيحة يعني انزلي وكلي معاهم غصب عنهم !!
وش هالمنّة؟؟؟ وعلى مين ؟ على اهله!!!
شي عجييييب

وانا ما الومهم اكيد تعجّبوا
قالوا ما صارت ذي ذبيحة جابها زوجها الا نزلت تركض تشاركنا فيها خايفة على حلال زوجها

وغلطتي اكثررر واكثرر برسالتك - الرسالة اسمحي لي حركة سخيفة

كنتي كتبتي المعذرة ادري دخلت عليكم فجأة بس زوجي اجبرني ..اسفة احرجتكم


وانتي فعلا احرجتيهم واشوف انك لازم تعتذرين

ارسلي الان هالرسالة واكتبي هذا الكلام

ليش تحطين الغلط عليهم
الغلط عليك وعلى زوجك
واضح ان علاقتك فيهم رسميه ومافيها ميانه وماتنزلين لهم بااستمرار وفجاه
شي طبيعي يتفاجئون بجيتك المفروض زوجك قال انا وزوجتي بننزل نتعشى معكم او انتي اتصلتي وقلتي ودي انزل عندكم احد
او ع الاقل زوجك يوم شافك نازله قال تعالي تعشي معنا مو هو مسوي فيها انا جايب الذبيحه وانا راعي العزيمه طيب قدر زوجتك قدامهم ونادها قدامهم مو يسكت وهو يشوفك انتي وياهم متفأجئين ويخليك تاخذين البنت وتطلعين ماعنده دبره زوجك ولا تقدير هو الي مـــــاقدرك عندهم مو هم ترأ ولو تفكرين بالسالفه بتلقين اغلب الغلط على زوجك
ورسالتك غلط جدا انتي تخلينهم ياخذون فكره انك راعيه مشاكل المفروض ماارسلتي شكلهم محترمين وراقين والدليل رسالتها ماردت بنفس اسلوبك