اللي سويته صح او خطأ شيروا علي تكفون

السلام عليكم ورحمة الله وبركاته

انا امس تهاوشت مع زوجي هوشه كبيرة وبسبب تافه جدا انا جالسه هاليومين عند اهلي بسبب اني لسى طالعه من النفاس واحتاج تجهيزات واتصل علي زوجي يقول لي انه رايح يودي امه واخته للطبيب ويودي عيال اخته للنادي انا بعدها بكم دقيقة اتصلت عليه قلت الولد تعبان راح اوديه للطبيب ( وهذا اللي كان حاصل وربي :44: ) رد علي قال انتي لا تقلقي الولد مافيه الا العافية بس لاتزودينها وطمني بالك انا عصبت وقلت مابيك توديه انا بوديه هو قال طيب انتظري اخلص موعد امي واجي اوديه المهم عصبت وكلمه مني كلمه منه زاد الموضوع وكنت اصيح واحلف ان ولدي تعبان وقلت هو مايهمك اكثر شي همك بس عيال اختك توديهم للنادي ,, قال بيني انك غيرانه بس لأن بودي امي قلت من جاب طاري امك وتهاوشنا وتلفضت عليه بكلام سيء قفل السماعة ورحت انا وديت ولدي وصار يصيح من الاكزيما اللي زايده عليه من الحر وارسلت لابوه وعلمته ,, انا لماهديت فكرت بالكلام اللي قلته لزوجي وتندمت عليه فاعتذرت منه لكن هو مو قابل يكلمني فاتصلت عليه قلت تعال رجعنا للبيت قال ترجعين تجلسين بغرفتك ومالك شغل فيني انا بنام في المجلس قلت لا شبي في البيت من دونك لكن هو قال ماعندي الا كذا بترجعين تعالي هو بيتك وبيت ولدك لكن انا مالك شغل فيني وقفلنا المكالمة ,, بعدها امه اتصلت علي ( هي معانا هالفترة في البيت ) قالت يلا ارجعي بيتك بشوف حفيدي قلت مابي ولدك زعلان قالت ماعليك منه ارجعي عشاني قلت خلاص عشانك برجع قالت انا بجي اخذك وجت الله يرضا عليها واخذتني انا وولدي ودخلنا البيت وهو نايم في المجلس ويسمع اصواتنا وولده اول مره يدخل البيت من انولد ماقام ولا كأنه موجود جلست انا وخالتي وبعده راحت تنام ودخلت غرفتي الا حسيت بضيقة ووحشة ( لان لي فترة غايبة عن البيت ) طلعت رحت بنام عند خالتي الا ولدي يصيح وخفت يزعجها رحت لزوجي قلت تعال معي الغرفة لو تنام ع الكنب بس خايفة مااقدر اجلس لوحدي قال ماراح اجي وانا قايلك قلت بجيب ولدي واجي عندك وجيت عنده انا والولد وهو راح جلس في المجلس اللي مقابلنا قلت تعال ودني بيت اهلي قال اللي جابتك توديك واصريت عليه قام وداني انا لمارجعت البيت اهلي هاوشوني قالوا ليه ماجلستي في بيتك انتي غلطتي على الرجال وتلفظتي بالفاظ سيئة وهذي ثاني مره تكررينها عليه كان جلستي لحد مايرضى مو تطلعين كانك زعلانه انه ماكلمك والظهر امه دقت قالت ليه طلعتي كان جلستي يكفي انه قالك البيت بيتك كان جلستي وطنشتيه لحد مايرضى ,, انا يا بنات طلعت بقصد انها تهدى نفسه خفت وجودي يستفزه والحين هو اليوم كله لا ارسل ولا اتصل ,, وهو كان مهددني قبل انه لو تكرر مني هاللفظ ماراح يسامحني وانا الحين مدري شسوي تكفون ابي شوركم