اللي سويته صح والا غلط ,,, جاوبوني

السلام عليكم ورحمة الله وبركاتة ..
بداية حابة أشكر كل من مشتركة في هالعالم الجميل عالم حواء ,,
أنا أول مرة أكتب أو أشارك معكم أخواتي الحبيبات ,, صراحة قصتي ومافيها إني بنت زي كل البنات
أتمنى اتزوج ويصير عندي بيت ,, وكنت مستمرة على الطاعات والنوافل وأحمد الله على ذلك ,, الى أن جاء
العريس المنتظر ..بصراحة تفجأت وحمدت ربي من كل قلبي لأنه إنسان ممتاز وعنده عيوب بسيطة أقدر أتحملها
وأعدلها إن شاء الله مع الأيام .. لكن الشي اللي قاهرني إنه مطلق وعنده ولد وبنت رغم إنه باقي ماوصل الخمسه وثلاثين ..
والمطلوب مني إني أخذ أطفاله من بداية حياتي الزوجية صحيح عندهم شغالة بس أكيد مؤقت لأني راح أتحمل مسؤليتهم
أنا .. صراحة كل شي تم مابقي غير النظرة .. بس ماقدرت أبدأ حياتي بمسئولية لأني توني بنت وماأعرف أربيهم وخايفة
ربي في هذي الأمانة الثقيلة حسيتها صعبه علية .. لأني ماراح أفرح وأتهنى من بداية حياتي اللي كنت أتمناها من زمان ..
وبصراحة قلت لهم ماأقدر على هذي الامانة والله يرزقة بواحدة أحسن مني ..ويعوضني عنه خير ..
بعدها خبرني أخوي إن العريس كان مرة فرحان وشاريك ومرتاح لنا بس حسيته إنصدم من ردك ,,
وراح وهو زعلان ..
شأسوي يابنات ماأحب اكسر خاطر أحد ,, بس صعب علي هالوضع ,,
رغم إن أهله قالوا لي راح يكونون الأطفال عندنا فترة وبعد فترة تأخذونهم ويوم جونا البيت غيرت أخته الكبيرة كلامها
وقالت لا تأخذيهم من بدايه حياتك
تفاجأت بصراحة عشان كذا غيرت رأيي ,,
شوروا علي يابنات اللي سويته صح والا غلط ..
وأسأل الله العظيم رب العرش العظيم أن يعوضني خير منه ويرزقني أنا وكل بنات المسلمين بالازواج الصالحين ..
ويرزق كل محرومة بالذرية الصالحة ويشفي كل مريض ويرحم موتانا وموتى المسلمين .. قولوا آآآآآآآآآآآآميييييييييييين ...