اللي شاطره بتوزيع المهر تساعدني وبدعي لها

ماشاء الله ربي يبارك لكم ويوفقها
انا مهري كان 80 الف وتوهقت ايش اجيب وايش اخلي
عندنا في الدوحة كل شي غالي
فكرت في الاشيا الناقصه لقيت
بجامات وسليبرز للبيت قمصان نوم وعبايات جديدة مكياج ملابس داخليه مناكير استشوار للبيت دخون وعود
حسب الاسعار عندكم ماقدر احدد لج عدد كل شي
بس بشكل تقريبي ممكن تاخذين لها
6بجامات +سليبرين
15 قميص نوم
3 اطقم ذهب
5او 6 عبايات
4 شنط لليد
عطورات ممكن 8 ومخمرية للشعر ودخون للغرفة
بدل للعزومات
مكياج واكسسوارات ومناكير واشياء للشعر مشط وكليبس
اغراض للعناية الشخصيه مثل مناديل المنطقه الحساسه و فوط داخليه يوميه وكوتيكس عشان لا تحتاس اذا جاتها انا فاجأتني الدورة وانا بشهر العسل ان شاء الله تحمل وماتشوفها
انا شريت ملاحف حق سريري في بيت زوجي اغطية للسرير

للحين هالاشيا الي حضرتني والله يتمم ويبارك لها

والله مدري يالغلا انا مهري كان مثلها بس قبل عشر سنوات يعني الاسعار اقل اذكر الذهب اخذته حق تقريبا 18000 والباقي قسمته نص للملابس والمكياجات ونصه للفستان والمشغل وبرنامج العروس اهم شي اشتريلها الاشياء الاساسيه وخاصه ملابس الطلعه والمكياجات خوذيلها شي زين والباقي اذا انتي من الرياض خوذيلها من الهرم وبعدين هي وزوجها تشتري الباقي براحتها

ماشاااااااااااء الله تبارك الله لا تحتارين المبلغ راح تكفي باذن الله لو نسقتي ورتبتي مع بنتك بورقة وقلم
نصييحة لا تضيعها كلها بالملابس يمكن تتخن تحمل بتتغير الموضه
ولازم توفر منها الفين مرررره مو حلو ه تدخل بيتها وبيدها فاضية
واحسبي هدية للعريس واهلة عند زيارتهم ضروري
وحاولو قدر الامكان لا تشترو كل شي غالي نوعو
سوي جدول بنزلات السوق مع تحديد المزانية وخليها بظرف
مثلا حددوتو نزلة للسوق للشنط والصنادل والاكسسسوارات مثلا 1500 تكفي مو لازم تكثر بتنزل السوق بعد زواجها خلاص انزلو السوق ومعاكم 1500 واشترو بالمبلغ واذا باقي ياسلام شي حلو
النزلة الثانية ملابس نوم وبيجايم وملابس داخلية 2000 مثلا تاخذ معاها نفس المبلغ فقط ونفس الموال لحد ماتخلصي مشترياتكم
لا تنزلي السوق لا بعد ماتحددي الغرض والمبلغ انتبهي لا تكرر ي بالالوان والموديلات اغلب العرايس يغلطو بذي النقطه
استغلي اوقات التخفيضات او المحلات الي تبيع ماركات بس مخفضة مثل تاج توج واوركيد
ادخلي المحلات الرخيصة او الشعبية مثل سوق البوادي في اشيااء حلوه مثل بدي بنطلون تي شيرت لاجل توفري المهر لبنتك بس ملابس رسمية او زيارات لازم شي محترم وغالي

ماشاءالله الله يبارك لك فيه كما جاء في حديث الرسول صلى الله عليه وسلم ((خير النساء أيسرهن مهورًا)) اسال الله ان يبارك لك ولبنتك فيه .

~مبروووووووك الله يوفقهاااا

معرف اوزع ~