اللي شافت حلقة برنامج المائدة رجاء تدخل..حلقة الهامبرجر..

ياريت ياهموسة كنت بحسن أفيدك بس ماعندي القناة ومابشوفها إن شاء الله البنات يفيدوك

يا هلا وغلا ..اختي همسه الشوق

انا كنت اتابع البرنامج كل جمعه ..وبعدين بعد ما تغير الوقت ما قدرت اشوفه ..وبالصدفه اعيالي كانوا غايبين عن المدرسه وشافوا يعرض السبت الظهر والاعاده الاحد الصبح ...فكان مالي امل اشوفه بسبب الدوام ..
وبالصدفه مره ثانيه كانت بنتي تشوف التلفزيون الجمعه اللي طافت ونادوني بسرعه ان البرنامج ينعرض بنفس وقته ..بس كان اعاده وما ادري لي الحين متى الوقت الاصلي للبرنامج
طولت عليك ...
المهم برجر الدجاج :
4 صدور دجاج ...تفتح من الجنب بالسكين (تشرح ) حتى تصير قطعه اكبر ثم توضه بكيس نايلون وتدق بالمطرقه الخشب ثم تقطع بقطاعه دائريه ..
التتبيله :
بياض بيض +1 م ك نشا +1 م ص فلفل ابيض +ملح + كمون
تمسح الصدور بالفرشه ثم تترك بالثلاجه نص ساعه
للقلي توجد طريقتين :
1- تقلى كما هي نضع شويه زيت بالمقلاه تسخن وتقلى على طول مع التقليب كل شويه
2 - تغمس بالطحين ثم البيض ثم البقسماط وتقلى بنفس الطريقه

همسة الشوق
باول الحلقه عملت الالبه بس انا ما كتبت المقادير:42:
و بالنسبه للبرغر الله يجزاها الخير الاخت زهرة النوير
كتبت برغر الدجاج
و هاي مقادير برغر اللحم
نصف كغم لحم عجل
معلقه صغيره بودرة الكاري
م ص ملح
م ص زنجبيل مبشور
بيضه (اختياري)
معلقة زيت زيتون
كمون و كزبره
ثلاث ملاعق طعام بقسماط
جبن قلاصات للحشو حسب الرغبه
تخلط المقادير ثم تشكل دوائر زي البرغر و هي استخدمت ماكنه خاصه
لصنع البرغر
عملته زي كرات و حشت فيه شوية جبنه بعدين ضغطته بالماكنه الخاصه بالبرغر
ثم تقلى بقليل من الزيت
دعواتك يا غاليه:)
زهرة النوير
البرنامج كل يوم سبت الساعه الثانيه عشره و نصف ظهرا بتوقيت قطر
و ياريت ظل يوم الجمعه لانه السبت هون اجازه و مو كل الحلقات بشوفها:22:

ludi..زهرة النوير..
ألف ألف شكر لكم على الإفادة:)

ويزااكم الله خير ماقصرتو والله:)

بس أختي زهرة النوير في برجر الدجاج كم مقدار البياض؟؟

الف شكر اختي العزيزه ludi على الافاده
والبرنامج الحين يعاد الجمعه الساعه 10 صباحا توقيت قطر ..والحمد لله ان الاخت عائشه غيرت الوقت حتى لو كان اعاده ..
اختي العزيزه همسه شوق ...آسفه ما كملت لك الطريقه لكن البركه بالاخت لودي ما قصرت
تدرين كنت اكتب بالليل ودخت تأخر الوقت ..وبعدين كنا يومين نروح البر من الصبح الى الليل
كان عندنا عطله اليوم الوطني ويوم التحرير ..
بياض البيض اعتقد تحتاجين بياض بيضتين ..لاني ما انتبهت لها ..وعلى فكره رجعت لكتاب الاخت عائشه ( موائد 2005 ) لاتأكد من المقادير لكنها كانت حاطه طريقه برجر الدجاج المفروم ..
وتسلمين يالغاليه