شايفه حالها الله يوفقك ويجزاك كل خير ويسعدك يارب
على كذا راح يشيلون شعر وجهي بالموس
طيب مايطلع الشعر خشن وهو بالموس شايلته عندهم
وبصراحة المستشفى مو سيئ مرررره لكن عادي
طيب كيف اتأكد لو الاجهزة كويسه او لا

اختي الغاليه نجوده انا شلت وجهي بالليزر 3 مرات والحمدلله النتيجه بالبدايه حلوه لاكن بعد 4شهور انقلب وجهي كله حب زي حب الشباب !!!

تخيلي والله صار عندي احباط وضيقه وحالتي حاله وجربت كل شي مضادات وغسولات وكريمات وخليها على الله ما شي نفع

واعرف كذا وحده شالو معي ليزر ماشاءالله تبارك الله ما جاهم شي لان بشرتهم مو حساسه مثلي

يعني اذا وجهك من البشره الفاتحه مره والحساس لا تشيلين انصحك نصيحه اخويه والله اني نادمه دفعت مبالغ عشان اشيل ليزر وتحملت الام الليزر والنتيجه حب و وجه دمران!!!!! { كان ودك اعلمك وين شلت اعلمك لان الاخصائيه تجنن وذوق ومتمكنه جدا ويدها خفيفه وسريعه }}

اختك ليونه

ليونه هلا ياقلبي الله يوفقك ويجزاك كل خير على نصيحتك
شوفي انا بشرتي حنطيه ومو فاتحه مره ومن النوع الدهني فيني حبوب وبثور
تتوقعين يمشي الحال؟؟

مرحبا حبيبتي الله يسمع منك ويتقبل دعوتك امييين..
شوفي قلبي ممنوع تشيلين بالحلاوه او غيره او تشقرين بعد الجلسه الاولى..وبالنسبه للكريمات عادي جدا بس يفضل بعد يومين لانه الدكتوره دايما تقول لي المكياج والتقشير والخربطه بعد يومين وبيني وبينك انا ما اخربط ف وجهي الا بعد اسبوع لانه بشرتي شوي حساسه..وبعدين ابي اعرف انتي ليش شايله هم الموس اذا تخافين تتغير كثافة الشعر تطمني ماراح تتغير الا اذا شلتي او شقرتي لانه راح يخف تدريجيا..ونصيحه نصيحه نصيحه لا تروحين اي دكتور اسألي الف الف مليون مره عن سمعتهم وشغلهم وكل شي<<<كنك بتناسبينهم!!!خاشه جو... واستخيري مرتين ثلاث واهم شي تسألين عن المستشفى...ممكن سؤال انتي وين ساكنه؟؟ يمكن افيدك...

نفس الماساه.. بس بشرتي فاتحه واخاف اندم بعدين,,:44: طيب يابنات وش افضل مركز؟؟ والمستشفى قصدكم الحكوميه ولا ايش؟؟