كوبونات الراقية تسجيل الدخول

طـبشورهـ,,,*

اللي شغالتها تراد وتعاند ابيهاااا بكلمه

الأسرة والمجتمع •

السلام عليكم ورحمةالله وبركاته.... كيفكم جميعا


بنات ابيكم تشوفون لي حل مع شغالتنا وربي فقعت مرارتي

طبعا بعلمكم بسالفتها من والى علشان تحكمون صح ..

هي اول ماجت على الصامت مؤدبه وشغلها ياسلاااام بس هي تغيرت الحين كثير ماادري وش السبب

طبعا هي تجتمع مع شغالات خواتي الخميس والجمعه وخواتي الله يهديهم شغالاتهم السنتهم طويله ويردون عليهم بس خواتي خوافااات مايوقفونهم عند حدهم وتعرفون اذا ماوقفتي الوحده عند حدها من البدايه راح تتمادى ...


نرجع لشغالتنا بعد جلوسها عند فتره تغيرت صارت تعااااااند وترد وطال لسانها واهملت شغل البيت ...

انا اللي قاهرني انها ترد علي وترفع صوتها كأني خدامتها مع اني اطلب منها بأدب ...

بقولكم المواقف الاخيره علشان تقدرون تحكمون ..

كان فيه علبه بلاستيك حلوه جايبها اخوي جت ورمتها بالزباله جيت وطلعتها بسرعه وقلت فلانه اغسليها ماما تبيها وتقوم تزبد وترعد وش عليه ماادري ولاغسلتهاااا سكت وغسلتها يوم راحت

اختي مخليه مولودها عندنا طبعا شغالتنا بالمطبخ دخلت ورحت بسوي للبيبي حليب ولا كلمتها ولاشي وتجي تنااافخ علي انا توي مسويه وانا توي مرضعته ...

ارتفع ضغطي طيب انا ماكلمتك ولاطلبت شي ..سكت ولاكاني اسمع وسويته وطلعت ...

واقول لامي عنها تقول اسفهيها ...كيف اسفهها وهي تهاوش وانا مو صغيره عمري 24 يعني خيييييير


بعدها بكم يوم جيت من الدوام وجلست وكان البيبي نايم وهي تغسل الملابس ..صاح الولد قلت بروح اجيبه خلها تكمل شغلها

تخيلوا وش سوت جتني تناااااافخ خير ليش تشيلينه ...

بالله مو شي يقهر الحين مسويه خير والقى شر ..قلت لها يافلانه هو يبكي اتركه مااشيله ...وتجلس تزبد وترعد حول الربع ساعه وانا تركتها ولا كلمتها

واقول لامي تقول اسفهيها ..طيب وقفوها عند حدها كل شوي تتمادى

وانا صبري له حدود ..يعني معليش امي مارفعت صوتها علي تجين انتي ترفعين صوتك وياليته على شي يستاهل ..

المهم لحد الحين صااابره ..

سويت كوب كيك وجت غسلت الصينيه وغسلها مونظيف باقي قطع بالصينيه
قلت فلانه اغسليها ثاني وتقوم الدنيا ولاتقعدها تخيلووووو

عاااد انا هنا قفللللللت معي ..قلت وش صاير انتي كل شي تهاوشين عليه وانا اذا طلبت شي اسويه لك ..وتسب وتشتم وانتم يالسعودييين فيكم ومافيكم ..قلت حدك مااعجبوك السعودييين شوفي الباب وروحي لاندونيسيا

غلطت علي وسكت تغلطين على دولتي لااااااا ..لانها كذا مره سبت بالسعوديه ..

قامت تسب بكلام ماافهمه وطلعت من المطبخ وخلت الصينيه ...

بالله بنات وش موقفكم واقول لامي تقول انتي لاتحارشينها ياامي وين حارشتها معه هذا طلبي منها وكيف ردت قالت اسفهيهاااا

جلست اسبوع ماكلمتها بعدها كنت شايله ولد اختي نايم قلت فلانه افرشي المفرش تخيلو وش سوت رمته على الارض وعطتني ظهرها

جيت بقولها عدليه ثم ذكرت والكاظمين الغيظ وسكت ...


واليوم سوت موقف يقهر بس طولت عليكم ..


بالله قولو لي وش الحل .. لاتقولون اسفهيها لازم بأمرها مو معقوله ماأمرها

وهي تعودت من شغالات خواتي زي ماقلت لكم قبل انها تراد الوحده...


ولا ابيها تتعود ترفع صوتها علي خير تراك شغاله احترمي نفسك

ودي أأدبها بس كيف خاف تتعدوى لي وتسوي لي شي


اسعفوني بردودكم واللي عندها موقف تقوله علشان اعرف كيف اتصرف مع هالاشكال ..ماابي اغلط عليها ولاتغلط علي برضه
13
18K

يلزم عليك تسجيل الدخول أولًا لكتابة تعليق.

تسجيل دخول

ريمـِـِآ
ريمـِـِآ •
مادري والله عاد الششغالات ّ صايرين ينخاف منهم الله يوووقطعهم :/
انتي اهم شي بعديها عن باقي الشغالات لاتحتك فيهم لأن شغالة بنت عمي كذا من صارت تحتك فباقي الشغالات اسستلعنت وماتشتغل كويس .. ثاني شي راقبيها وفتشي اغراضها بين فتره وفتره بدون ماتحس عشان تتأكدين انها ماتاخذ منك شي شعر مثلا او صوره او هيگ شي .. والجوال لايكون معها وخلي ابوك او اخوك يوريها العين الحمرا ويخيرها ياتشتغل صح او تنقلع ديرتها خير ان شالله جآيه تخدم والا تصير راعيةة البيت هذي !!
أم سدومي و حمودي
أم سدومي و حمودي •
ارفقوا بالخــدم ترى والله ماجابهم عندنا غير الحاجه فـ ليش ما نرحمهم ونعاملهم بالحسنى ونساعدهم انا معاكي انها زودتها بس اذاهي كذا لاتاخذينها بيت اهلك واي شي تحبه احرميها منه يمكن تتعدل انتي لاشك انك صبرتي بس لازم ماتنسين طفلك والله يمكن تفتري فيه وانتي مو موجوده وتحرق قلبك عليه ومقاطع اليوتيوب خير دليل 000سبحان الله
ريمـِـِآ
ريمـِـِآ •
ي قلبي ام سسدومي وربي ان الخدم هالايام مسسستقوين يبيلهم وحده شخصيتها قويه ششوي طبعا بالحق اما مسألةة الظلم شي اكيد محد يرضضاه يعني تعطي الخدامه حقوقها وتحترمها وبنفس الوقت تكون شديده عليها لأن لاشافوا الوحده سساكته عن حقها ركبوا على راسسها :/
طـبشورهـ,,,*
طـبشورهـ,,,* •
أم سدومي و حمودي أم سدومي و حمودي :
ارفقوا بالخــدم ترى والله ماجابهم عندنا غير الحاجه فـ ليش ما نرحمهم ونعاملهم بالحسنى ونساعدهم انا معاكي انها زودتها بس اذاهي كذا لاتاخذينها بيت اهلك واي شي تحبه احرميها منه يمكن تتعدل انتي لاشك انك صبرتي بس لازم ماتنسين طفلك والله يمكن تفتري فيه وانتي مو موجوده وتحرق قلبك عليه ومقاطع اليوتيوب خير دليل 000سبحان الله
ارفقوا بالخــدم ترى والله ماجابهم عندنا غير الحاجه فـ ليش ما نرحمهم ونعاملهم بالحسنى ونساعدهم انا...
الله يسعدك انا مو متزوجه يعني شغالة بيتنا مو انا بس ..وصعبه خواتي مايجون لنا

والله انا محترمينها حتى شغالات خواتي يقولون لها احمدي ربك ماعندك شغل ..بيتنا مافيه بزارين ماغير انا وامي وخواتي 2 اكبر مني بس ولد اختي النونو هذا يجي يوم او يومين بالاسبوع
أم العيال🍭.
أم العيال🍭. •
الله يكفيكم شرها الصراحه تقهر
اذا مره ثانيه طولت لسانها عليك هاوشيه على بالها انت خايفه منها لاتسكتين عنها مابقى الا ذي تجي وتهاوشني