انا اتذكر انى كنت أصادقهم .. يوم كنت مراهقه .. وما انساهم .. وحده خدامة بيت اختى (فلبينيه )صديقتى لمدة سبع سنوات من يوم عمرى 18... كنت اترك جلسة اهلى واسولف معها بغرفتها خخخخ
وقبلها خادمه بيتنا فلبينية بعد وصديقتى يوم كان عمرى 14
.. كنت يوميا اسولف معها .. وامى تغار منهم هههههههههههه تقولى وش عندج تسولفين معهن .. كنت لدرجة انى اسمع اغانيهم واشترى اشرطة كاسيت لى ولهن .. وكنت قريبه منهم .. وكنت أضمهم اذا بكوا او تضايقوا وهم بعد يضمونى ههههههه والله صدق.. وكنت اخاف اهلى يلاحظون علاقتى بهن .. لانهم بيتضايقون وينتقدونى .. بس فعلا
.. كانوا صديقاتى .. لكن بعد مادخلت الجامعه وسافروا تركت صداقتهم وصار ارتباطى بباقى الخادمات مجرد علاقة خادمه بمعزبتها .. يعنى أوامر بس .. وهذا اللى مفروض يكون ..
بس والله ان لهم تأثير جدا كبير خصوصا على البنات المراهقات .. يعنى لازم الأهل ينتبهوا لهالشىء .. !! ذكرتينى يا اخت آلاء بالذى مضى ..

يا بنات دعولي الله يرزقني شغاله :( :3_13_12: :3_13_11: :icon33:

والله يوم تسافر الخدامه

احس براحه وخصوصيه اكثر

والبيت ارتب وانظف

وندخل المطبخ بدون مااحد يسالنا شو تسوين او توقف تشوف اوووف مااحب هالشيء ابد

ومحد يتدخل ويتسمع ويشوف شو نوسي وشو نشتري وين نطلع

بس الشيء المتعب

هو الكوووي

بصراحه متعب بس يقولون انه يضعف

انا سبع شغالات راحوا مني وبعضهم قعد 4سنين لكن عيالي مايفقدونها بالرغم من اني موظفه ويقعدون عندها
لكن تدرون من يفقد الشغاله











ابونا
هه ههه ههه
لانها تشيل الاغراض من عند الباب وتحمل العفش لين بغينا نسافر لا وبعد تكب الزبايل !!!

محتاجه قلب ذكرتيني بنفسي لما كنت طاقتها سواليف مع الشغالات بس حدي 16 سنه بعدين خلاص تركتهم..
كانت تخربط علي وتقصلي حياتها وحياة الناس اللي اشتغلت عندهم قبل
وليش حنا ما عندنا بوي فريند ومن هالخرابيط >>>>>>>>>>>>>> (فكني الله)
واللحين ولا وحده من شغالتي فقدتها لما راحت الا بشغلها>>>>>ما يطلع الا بطلعت الروح
الا وحده كنت اخذتها اجار بالشهر لان شغالتي اتاخرت ما جت وانا على وشك ولاده بس فعلا كانت خيال لدرجة مددت لها مع ان شغالتي جت بس ما ودي افقدها واعيالي حبوها وانا حبيتها لما شفتها محترمه وحنونه مره .
وما نقول الا الله يكفينا شرهم ويوفقنا الصالح منهم...