السلام عليكم ورحمة الله وبركاته
يارب تحفظ مكة وتحفظ أهلها .. وتملى علينا الكون طاعة وغفرااااااان ..
يسعد مساكم عسولات .. أحمدالله اللي يسرلي الذهاب لمكة وأحمده
بأن يسر لي الدعاء لكم من قلب صادق دعيت للعامة وخصيت
اللي دخل موضوعي قبل كم يوم والله يتقبله بقبول حسن قولوا آمين ..
بصراحة أخواتي أنا مافتحت موضوعي هذا الا أبي الأجر لي ولكم
وأنا ماأزكي نفسي على الله .. أنا زيي زيكم ويمكن أخطي أكثر منكم
بس من طبعي إذا شفت شي غلط ماأحب أسكت لعل الله يرفعني به
درجات عليا ومقام كريم ..
اللي شفته بالحرم يدمي القلب من بعض بناتنا ونساءنا هداهن الله ..
اللي بيروح الحرم بيشوف مناظر البنات وطريقة لبسهن للعباية
بيحزن مليوون مرة هذا وأحنا بأطهر بقاع الأرض واللي يغبطنا عليه
جميييع من في الأرض يتمنون لوأن الله شرف بلادهم بالكعبة والحرم الشريف ..
لكن أحنا كبنات البلد ماحسينا بالنعمة ولاحافظنا عليها ولاصرنا واجهه
للدين أمام العرب والأجانب ..!!
أسمحوا لي بوصف اللي شفته يمكن تكون وحدة بالمنتدى ماأنتبهت
لشكلها بالعباية ويمكن تكون متساهلة بهالشي .. فتستفيد من كلامي ..
وقبل لا أتكلم بوصف لكم طريقة لبسي العباءة ..ألبس ع الكتف واااسعه ( البشت )
والطرحة (خماااار ) من قدام يغطي الصدر ونصف البطن
ومن ورا لنصف الفخذ يعني ساااترة ماحد يشوف تقاسيم جسمك
شفت الخماار على وحدة الله يجزاها الجنة في مستشفى وعجبني
شكله مرتب وسااتر ورحت للمحلات ولقيته ب50 بس رووووعه
ومرييييح باللبس والشكل
الحين نرجع للي شفته
صادفت وحدة لابسه عباية إسلامية ع الراس اللي تجيك مسكرة
من قدام تنلبس مثل الثوب أكيد عرفتوها ..!!
المشكلة العباية ضيقة ومحددة معالم جسمها وبالأخص الصدرررر ..
والله بااارز بطريقة تفشششل
مدري كيف تمشي واثقة من نفسها قدام الرجاااال ..
والثانيه لابسة ع الكتف والطرحة يااادوب مغطية الكتوف ..!!
والثالثة طرحتها تقول بعرس تعطيك جميييع الألوان
والله أنها جالسه قدامي وعيوني
يعني أبي أفهم هي جايه للحرم ليــــــــــــــــــــش ...!!!
تبي ترضي الله والا تعصيــــــــــــــــه ..!!
هي ماتدري أنها فتنة ..!! والله العظيم زوجي قال لي كلمة صدمتني ..
تدرون وش قاااال ...!!
قال أعوذ بالله الحرم أغلبــــــــــه فتنة ..!!
هذا وهو متزوج أجل كيف الشباب المساكين
لازم تعرف كل وحدة أنها بدااال ماتطلع من الحرم وذنوبها مغفورة بإذن الله
أنها طلعت وأوزاااااااااار الناس كلها على كتوفها ..
هذا جانب والجانب الآخر لما رحنا منتزة نبي نبسط بنتي ..
دخلنا وليتنا مادخلنا ريحة الشيشة تشمينها من كيييلو تقريبآ
غير البنااااات وعباااياتهم الأكماام بف وملونه والوجه مكشووووف ...!!!
مراااهقاااات والله أنهم أطول مني ..!! المشكلة مامعهم أحد كبير شلة بنااات يتمشوووون
معقوله هذا يصير بمكة .. وينهم عن مخافة الله وين أهلهم عنهم
والحرم يتوسط في أرضهم ..!!
والله أني مقهورة على البنااات اللي يهديهم ..
ونسيت حاجة كمان لما كنا بالحرم صلينا المغرب وبعدها نودي للصلاة
على الأموااات ولما صلينا العشا كمان نودي للصلاة على الأمواااات
يااارب رحمتك بين ساعة وساعة جنااائز يارب ترحمنا بس المشكلة
مو هنا لأن الله قادر يمحينا بين غمضة عين وألتفاتتها
المشكلة في طريقة الصلاة على الميت أغلبنا مو عااارفها ..
لأن الصف اللي كان قدامي لما سلم الإمام تسليمة واحدة عن اليمين
الأخوات جزاهم الله خير سلموا عن اليمين واليسار ..!! وهذا غلط ..
لازم نثقف أنفسنا وننشر التوعية
تكفووون بنات نبي توعية في المنتديات الثانية لأني متأكدة أغلب هالبنات
مايتواااجدون بمنتدانا فاللي مشاركة بمنتديات أخرى تنسخ موضوعي لهم ليعم الخير
جزاااكم الله جنة عرضها السموات والأرض ..
هذا رابط لكيفية الصلاة ع الميت
http://ar.islamway.net/fatwa/7086
منقول
بشارة حلوة @bshar_hlo
عضوة جديدة
يلزم عليك تسجيل الدخول أولًا لكتابة تعليق.
##عيون ا لمها##
•
لا حول ولا قوة الا بالله
الصفحة الأخيرة