والله يا اختي ما لهم اي حق يزعلووووووون
دامها تززززورهم وما قطعتوها عنهم فمااا جاء منكم اي تقصيرررر
رررغبه اختك انها ماتنام الا عندكم لازم تحترررررررمونها كلكم
لانها ترررررتاح كذا يمكن هي تعرررررف ان في بيت عمانها محد مررررراعيها مثل خالاتها
خلوكم واقعيين يابنات وبلا الهجووووووم الي ماله اي داعي

هم بصراحة مزودينها إذا على هذا الموضوع
وبعدين إنتي ماسويتي شئ غلط قلتي لهم اللي تبغاه أختك
وأنا أحس لو إنك طنشتي وخلتي البنت تنام عند أهل أبوها بدون ماتدري أختك كان أحسن
بس إنتي ماغلطتي مرررة بالعكس كنتي مرة مؤدبة
والله يهدي النفوس
ومعليش طنشي والموضوع حيهدأ

يا بنات الحين اتضحت الصوره

طلع ساس البلاء اللي ايقظ الفتنه هذي كلها حماها( اخو زوجها الكبير)

اليوم بسم الله تفاجأت ان اختي وزوجها جايين ومنادين ابوي بعد ونادوني وقعدنا احنا الأربعه بغرفه بروحنا ... والله يا بنات حسيت ان اهل زوج اختي مكبرين السالفه على الخرطي

المهم قال لي زوج اختي ان انتي قايله لأختي ان البنت جت من عندكم مكسوره وهذي الكلمه اللي زعلتهم ؟؟

قلت انا قلت صحيح البنت مكسورة الخاطر ما قلت لها انها جت من عندكم مكسورة حتى اختك عقبت على كلامي ان هذا شي طبيعي انها تصير مكسوره لأنها فاقده امها و ابوها .. وهذا اللي كنت قاصدته

قال واختي قالت انها قاعده تترجاج انها تاخذ البنت وانتي مو راضيه حتى اختي قاعده يمها بجت ويوم بجت انتي رضيتي.... انا طبعا بطلت عيوني هالكبر... وقلت كل اللي صار اني قلت ان قلبي يعورني على البنت لأنها متعوده ما تنام الا عند امي حتى عندي انا تبجي وهي قامت تقول انها امس نومتها عندها ولا بجت ولاشي وقامت تقول كلام انها ربت اخوانها و تعرف للجهال و من هالكلام ..انا ما قلت شي بالعكس هي اشلون فهمت اني ابيها تترجاني انا ماني عارفه .. وبعدين انا مادري منو اللي كان قاعد يم اختك ومنو بكى وبعدين بالعكس انا ما رضيت الا لما قالت لي ان جدتها ما شافتها الا 10 دقايق .. وقمت خذيت البنت ولبسناها لأننا اتفقت وياها تجي وتاخذها ولا جت واتصلت فيها و ما ردت وحتي اليوم الثاني اتصلت ما ردت علي خير شر.. وانا مادري انها زعلانه ولا بينت لي وكنا مثل السمن على العسل يوم انهينا المكالمه بس شنو اللي صار بعدين الله أعلم

عاد اختي قالت لزوجها .. هذا كله من اخوك فلان لأن اختك تقول لي هو اللي قال لا تروحون تاخذونها تتهمكم ان البنت جايه من عندكم مكسوره و تبيكم تترجونها علشان تاخذون البنت من جذي اختك ما ردت على اتصال اختي.. اهني زوجها سكت

وقلت بعدين اشلون تترجاني اصلا انا مالي سلطه على البنت لو تقول لي انا جايه وعند الباب و باخذها بجهزها وبلسها و ماراح اقول شي لأنها بنت اخوها

وبعدين قال لي ان امي وخواتي يبون يكلمونج يعني يبون تروحين لهم و تجتمعون كلكم و تتفاهمون مع بعض على سوء الفهم هذا .. انا اهني بطلت عيوني مره ثانيه هالكبر( لأن بصراحه حسيت خواته حيل حيل عقولهم صغيره) .. قلت يبوني مو مشكله خل يجون بيتنا ونتفاهم... انا من ناحيتي مافي قلبي شي عليهم واذا هم يبوني يجون حياهم الله بأي وقت

عاد ابوي قال له ترى الموضوع بينك وبين زوجتك اتفقوا انتوا فيما بينكم وترى السالفه تنحل.. والسالفه مو مستاهله كل هذا

وبعدها اختي طلعت هي وياه راحوا عند خواته اشويه ولا اختي متصله فيني وعطتني حماتها تكلمني تقول ان كل اللي حصل سوء فهم و من هالكلام عاد انا قمت اتشره عليها .. الحين الكلام صار بيني وبينج وكنا تمام ليش بعدين قلبتي وطنشتي اتصالاتي وانا احسب ان صار لكم شي ما توقعت انج زعلانه .. بعدين هل حسيتي من الحوار اللي دار بينا انه هواش؟؟ قالت لا ابد كان كلامنا بهدوء... قلت ليش يعني تظنين فيني هالظن واني قلت البنت جايه من عندكم مكسوره .. كل اللي قلته ان البنت مكسورة الخاطر وحتي انتي عقبتي على كلامي ان هذا شي طبيعي لأن امها وابوها مسافرين و هذا اللي انا قصدته..اشلون بعدين انا اتصل عليج وما تردين علي .. قالت لأن امي قالت لي لا تشيلينه لأنها زعلت من كلامج قلت شنو اللي يزعل فيه انا قاعده استفسر بس ما قصدت امنعها والله لأني خايفه البنت تصيح بالليل وامها بعيده عنها
وبعدين بالمطار جيت ابي اسلم عليكم انحشتوا .. قالت لأننا ما شفناج .. انا بعد سكت لأن ردها واضح انها تتهرب ..


المهم تكلمنا و تكلمنا آخر شي قالت ان احنا ما نظن السوء والسالفه مو مستاهله كل هذا.. قلت لها زين دريتي ان السالفه ماهي مستاهله كل هذا .. وقالت حصل خير ومن هالكلام وانا قلت ابدا انا ماني زعلانه ولاني شايله عليكم بشي.. وانهينا المكالمه


بصراحه ما اقول غير الحمد الله على العقل .. واستغفر الله العظيم

loluah تكلمي عدل واقري السالفه عدل

شنو البركه في اختج ومشيه كلامها والشرهه على زوجها؟؟ شنو هالإسلوب؟؟


اختي ما منعتها منهم واصلا وقت الدوام جدتها ما تبيها لأنها ما تقدر على قومتها (حرمه كبيره) و حموات اختي بالدوامات.. وابوي جايب خدامه في بيتنا مخصوصه حق البنت تجابلها وقت الدوام واذا ارجعت اختي تاخذ البنت و تخلي الخدامه تشتغل في بيتنا لأن اختي شقتها صغيره مالها مكان.. واهل زوجها ما يبون خدامتنا تجي عندهم لأنهم يقولون تعلم خدامتهم العياره ( هذا كلامهم طبعا)

البنت عندهم باي وقت قالوا يبونها ولا منعتها عنهم بس ما تعودت انها تنام عندهم

بعدين هي وزوجها متفقين لأنهم عارفين ظروف اهلهم وعلشان جذي هو ما اعترض وحتي هم يا خواته ما اعترضوا على ان البنت تنام عندنا بس حسبي الله على اخوه الكبير اللي اشعل هالفتنه