اللي صار لنا عند ماكدونالدر

سلام يا حلوين يوم الاربعاء طلعت انا وزوجي وبناتي رحنا في البدايه سيتي ماكس وبعدين رحنا على مطعم ماكدونالدز لمن دخلنا كان المطعم مره زحمه فطلعنا وحلسنا في الجلسات الخارجيه المهم واحنا جالسين بعد ما طلبنا الا وشلة بنات جو وجلسوا في الجلسه اللي جمبنا ومشغلين الجوالات على اغاني وعلى اخر صوت وضحك وصياح وتصفيق وطبعا الجلسات الخارجيه هذى جنب الخط اللي تمشي فيه السيارات اللي بتطلب طبعا لفتو نظر الشباب وهذا اللي يبغونه وصاروا يسولفون معاهم بصوت عالي ولا حيا ولا خجل شوي الا قامو الشباب رفعوا صوت مسجل سيارتهم لاخر صوت وجلسو البنات يصيحون ويصفقون وطلعت اوسخهم على الطاوله ترقص عشان يشوفونها الشباب اللي برا انا عاد حسيت بالدم يغلي في عروقي بعدين تذكرت اني كاتبه رقم للتبليغ عن هذي الاشياء من منتدى حواء وكنت مسجلته باسم المباحث الاداريه وهو مكون من ثلاثث ارقام المهم دقيت وردو وكان الصووت يقطع وكان اللي قاعد يرد علي جهاز ومن كثر الازعاج والاصوات الصاخبه ما سمعت شئ ويوم شاف زوجي الوضع ساء دخل للمطعم وبلغ السكيورتي اللي جوا المهم ما قصر وطلع للشباب اللي برا وهددهم انه يبلغ الهيئه وخافو وراحوا والبنات ما عاد سمعت لهم صوت والله يابنات تمنيت اني قدرت ابلغ الهيئه وتجي تشيلهم كلهم الاولاد والبنات عشان يكون لهم درس ماينسونه ابش هالبجاحه اللي وصلولها البنات وصلت فيهم قله الادب انهم يرقصون قدام الشباب وين اهاليهم عنهم فاكينهم بالشوارع مع السواقين يروحون للمكان اللي يبغونه ويسوون اللي يبغونه وبعدين اللي نفسي افهمه ليش البنات ما يتعاقيون والله ان اكثر المصايب من تحت روسهم وين الهيئه عنهم ماتقول لهم شئ ولا تمسك الا الاولاد والله انا ما تهنبنا طلعتنا الله يسامجهم ويصلح حال بناتنا واولادنا وبنات المسلمين