mamita
مشكوره ياقلبي على طرح تجربتج وان شالله البنات يستفيدون :)
ترا هنادي الي سوت الي اليوكو مستضيفينها المنتدى فوق على اساس اخصائية شعر.....والله شعر اختي ماتغير ابد مع انها عادت لها عليه مرتين .......ماانصحكم فيها
الصفحة الأخيرة
ولي ياخذ من عندهم الترخيص في الخليج او اي وطن في الشرق الاوسط يكون عنده منتجات اليوكو الأصليه فقط
والحين بتكلم عن تجربتي اولا انا شعري ماكان افريقي بس كان في وايد طعجات ومنفوش وللأمانه كان عندي تساقط قبل ما اسوي اليوكو.
قبل ما اغسله كان روعه مثل شعر الفلبينات وبعد ما غسلته بعد اوكي بس مو مثل ما كان قبل الغسيل والتساقط نفسه نفسه لا قل ولا زاد
والحين بعد شهر للامانه شعري راح عنه النفشه وصار ستريت ولكن من تحت طعجات خفيفه جدا حتى ما اقدر اقول عنها طعجات بس يعني للمناسبات يحتاج سشوار ولكن الصراحه وللأمانه حتى ما اظلم وين شعري قبل منفوش يعني بعد ماكنت اغسله كان ينفش وايد وين الحين 80 اتعدل شعري
نصيحه الي بتسوي تسويه بالبحرين عند نيره وبس او وحده خبيره قديمه باليوكو وتتأكد من انهم عندهم ترخيص من ايلي وجون بالبحرين
بس الي اتسوي على مسئوليتها لا تقول ماميتا قالت :) مو عشان شي بس عشان مافيني شدة دعاوي البنات و كل وحده طبيعه شعرها مختلفه واهم شي الي تسوي اليوكو اذا ماكانت خبيره وماتعرف التوقيت راحت عليج
طبعا وهي تسوي انا كنت منهاله عليه بالاسئله بعد اشوي كانت بتطردني من كثر ماكنت اسألها:)
على كلامها تقول اليوكو اهم شي المنتجات تكون اصليه والخبيره لازم تعرف تلعب بالشعر يعني تقول نفس الدوا بس في بعض الشعور يحتاج وقت اطول وبعضهم اقل فتقول لازم الوحده تكون متمرسه
وسألتها عن التساقط وتلفان الشعر فهي تقول ان كلام غير صحيح للاسباب التاليه:
اولا : لان الدوا ما يخلونه على فروه الراس ( وهذه من اساسياته يعني لازم ماينحط على فروه الراس لازم يكون 2سم بعيد عن الفروه حتى مساعداتها الي سووا لي شفتهم كانوا يالنظر يقيسون لازم 2سم بعيد عن جذور الشعر معناته مايروح على فروة الراس والمفروض ان مايكون له علاقه بالتساقط . وهذه الغلطة الي يقع فيها الي مو متمرسين بالشغله يخلونها على الفروه أو قريب منها مما يسبب التساقط
ثانيا : قبل ما يبتدون الشغل يحطون واقي من البروتين على الشعر عشان ما يتأثر بالمواد
والتوفيق للجميع يارب