اللي صار مع ولدي في المدرسة.. انتبهي واعطيني رايك

صباح/مساء الخير

اتمنى كل وحدة منكم تحط نفسها مكاني وتعطيني رايها

الموضوع وما فيه انو عندي ولد في مرحلة kg1 في وحدة من المدارس

الظاهر امس كان ولدي معاه برد فصابه اسهال في المدرسة وما تحكم في نفسه وسواها على نفسه
اتصلت علي المدرسة وقالت انو الولد بس يبكي ويصرخ ورافض يخلي الدادا تغيرله ملابسه
انا متوقعة هالشي لان انا محذرة اولادي ان ملابسها ماحد يشيلها عنهم الا انا واذا اي احد احاول يفصخلهم يصرخ وينادي الناس
قلتلها اعطيني هو انا اكلمه
كلمته وقلتله ماما معليش المرة دي ومن دا الكلام
المهم بعد نص ساعة تقريبا رجعت اتصلت قالتلي المدرسة الله يجزاها الخير انه مشي الحال
رجع الولد من المدرسة مكسور وزعلان ويقول انه ما بيروح المدرسة مرة ثانية
انا بررت تصرفه على انه خجلان من نفسه ومن نظره زملاءه له
دارتي ولدها مع ولدي في نفس الفصل نزلت عندي العصر وقالت ترا ولدي قالي شي عن ولدك وما اعرف اذا عندك خبر او لا
قلتلها قولي .. قالت انو ولدها شاف الداداة الاثيوبية رفعت ولدي من اذانه ونزلته وضربته كفوف لانه وسخ على نفسه ..
انا هنا تجننت مسكت الولد اساله مو راضي يرد بس ساكت
قلتله لا تخاف منها انا اروح اضربها
قالي ضربتني كفوف وعلى ظهري وسحبتني من اذاني ..
قلتله ليه ما قلت من اول .. قالي خفت لانها قالت اذا علمت اضربك كل يوم
طلع يا حياتي يبكي ويصرخ مو لانها تفصخه لانها تضربه والمدرسات يحسبوه مو راضي يفصخ

اليوم راح ابوه المدرسة وهزأ الادارة والمدرسة ونادى الاثيوبية ونادى ولدنا تعرف عليها وقال الكلام اللي قالنا هو قدام المديرة ... المديرة وعدت زوجي انها راح تعاقبها عقوبة مناسبة..

اتصلت المديرة وقالت انو الدادة انفصلت من المدرسة واعتذرت اشد الاعتذار ...

المشكلة زوجي وقلبه الحنين زعل لما عرف انها انفصلت .. قال انا كنت ابغى يعاقبوها بخصم ولا شي اما فصل وقطع ارزاق اخاف ربي يعاقبني .. ومفكر يروح يكلم المديرة ترجعها

انا شايفة انها تستاهل الفصل والله قليل عليها وما برد قلبي ..
بالله عليكي ياللي تقراي الموضوع ردي باللي يريح ضميرك وانا بقري زوجي الردود لانه مرة تحسف

استودع الله اطفالي واطفالكم