العامريه :

كنت مثلك قبل فتره محتاره واستشرت البنات وماقصرو الله يجزاهم خير وانا بقولك عدة اشياء تحكم الموضوع من وجهة نظري.. 1- حجم البيت.. 2-عدد الاطفال ولاحظي قلت الاطفال لان مرحلة الطفوله يبي لها اهتمام شديد ووقت كبير وجهد شاق فلو كان عندك خادمه بتتفرغين لاطفالك وتربيتهم والتفرغ طبعا يعني انها ماتلمسهم ابدااااااااااااااا لالبس ولااكل ولارعايه ولاتنويم ولاشي ... انا اشوف ان الشغاله المفروض ماتعرف من الاطفال الا اساميهم واشكالهم فقط .. وللاسف نشوف عندنا بعض الحريم مسلمه اولادها للشغاله تلبسهم وتاكلهم وتنومهم!!!!!!!!!!!!! يعني في حالة الحرمه الطبيعيه المتعافيه وش عذرك عند الله تسلمين عيالك لوحده ماتدرين وش دينها ولااخلاقها بس علشان تنامين او تتفرغين للدجه والطلعات واللي يعقونها عيالها لاكبرو لاتستغرب ابدا اصلا المفروض بعض الاطفال يبرون الشغاله مايبرون امهم..:ohwe: المهم شطحت عن الموضوع بلا والله من اللي اشوف ...:icon8: 3-الضيوف فيه ناس مايوقفون من الضيوف وفيه ناس ماحد يجيهم الا بالسنه مره. 4-امكانية توفر خادمات الايجار اليومي خاصه وقت الحاجه كتعب ولاضيف مفاجئ.. انا جربتهم ومريحين جدا جدا ويكفي تجيك تنظف وتتوكل على الله لاتشرف على حياتك ولاتنقل اسرارك.. لكن عيبهم مايتوفرون وقت الحاجه ويعطونك مواعيد ويخلفون 5- كونك موظفه او غير موظفه 6-زوجك ايجابي ومراعي ولاسلبي وانتقادي 7- عندك احد من اهلك حولك امك اخواتك عندهم شغاله هذا ممكن يفيدك انها تساعدك احيانا وتعطينها زياده على راتبها او تمشين لها راتب خاص لشغلك.. 8-وضعك النفسي اذا انتي انسانه وسيعة صدر وطويلة بال ولايهمك التدقيق ممكن تستغنين وتمشين حالك يوم نظيف ويوم عادي اما اذا انتي حاره وانفعاليه وعصبيه انصحك تريحين حالك وعيالك وتجيبين وحده تخدمك .. *** طبعا بالنهايه بقولك انا اكره جدا جدا جدا وجود انسانه غريبه بيننا وبين اولادنا لاسيما ان الاستقدام عندنا بالبركه ويجيبون لك الهاج والداج وخريجين السجون والمجرمين وارباب الدعاره.. يعني ماتدرين وش بيجيك من افه ببيتك.. لكن متوكلين عليه ومفوضين امرنا اليه ووالله لولا الحاجه لها والظروف الصحيه والله ماتطب داري ... الله يسخرهم لنا ويكفينا شرهم.. واحب اختم بكلمه دايما عامليهم بما يرضي الله لانه حتى لو هي ماتستاهل الله سبحانه بيرد شرها عنك وعن بيتك بسبب هالاحسان الخالص لوجهه الكريم.. وفيه ملاحظه ** بالنسبه تقولين ماعندك الا اولاد قريبتي كل ذريتها اولاد الله يبارك لها وماعندها شغاله وهم اللي يشتغلون بالبيت منظمتهم كل واحد له عمل حتى غسيل المواعين وتنظيف المطبخ.. تبين رأيي الشخصي! جيبيها وجربي نفسك سنتين ان تقبلتيها ولاالحمدلله ارجعي كما كنتي ويادار مادخلك شر.

كنت مثلك قبل فتره محتاره واستشرت البنات وماقصرو الله يجزاهم خير وانا بقولك عدة اشياء تحكم الموضوع...