اللي عاد اختبار قياس للتحسين انطباعكم بعد الاختبار

نفس وضعك جبت 69سنة34وعدت متاملة بأفضل لأن نقاطي 77تقريبا وآخر نقاط تخصصي81قلت أعيد يمكن احسن نقاطي واطلع كم نقطة وبديت من شهر ذو الحجة تقريبا اذاكر لاكن صدمني اختبار العام كان صعب لدرجة خايفة اني مااجتاز لاكن التخصص أن شاءالله حلو

والله اني بكيت بالسياره اول ماطلعت وخسيت بغصه كل هالتعب ويركزون بالتربوي بالتخصص اكثر من المادة نفسها واسئله محورة الله يستر يوم النتايج اخاف يصير فيني شئ من هول الصدمه لو اني ماذاكرت كان قلت استاهل اهمال فيني بس تعب وبالنهايه ماترتفع نقاط

الله كريم احنا سوينا اللي علينا وبإذن الله مايضيع تعبنا

صح كلامك مغيرين طريقتهم كثيير
التربوي ركز ع اشياء جديدة ونظريات بعكس قبل كان على اساليب التدريس
والاسلامي التخصص قبل مركزين ع التجويد ومنوع من البقية
هالمرة التجويد اقل وكثيير فتاوى يعني نرجع لكتاب فقهي مثل الملخص الفقهي للفوزان
وكان في اعادة لبعض الاسئله اللي راجعت من التويتر حسابات كفايات الدين في واحد منها كان مفييد الحمدلله
وطبعا في اسئله غريبه شوي صعبة

بالنسبة لي الاختبار العام حلو الحمدلله أما التخصص انصدمت من تركيزهم على الأدب والنقد بشكل كبييير بعدها البلاغة أما أهم مادة وهي النحو جابوا منها أسئلة بسيييطة مع أنها أهم من غيرها الأدب اعتماد عالحفظ والذاكرة لكن عموما جاوبت بس صراحة الاختبار (( سهل ممتنع) يعني ماتقدر الوحدة تقدر درجتها كم مالنا الا انتظار النتايج وياارب تكون مرتفعة بكثيير عن الأول....