اللي عاملة تقويم في عيادة جذور الاسنان بجدة تدخل بسرعة

السلام عليكم
كل سنة وانتوا طيبين
انا عاملة تقويم شفاف عند الدكتور احمد كيشور
ولي سنتين الان
والدكتور كيشور قال انو نقل عيادة تاله ورحنا له قبل شهرين شديت ورجعت
والحين قال انه راح امريكا ودلنا على دكتور زميل له في ابراج البدرية ولما رحنا له طلع مو اخصائي تقويم قال انه فقط يبغى يقدم خدمة للدكتور كيشور
وقال يبغانا ندفع مع انا خلصنا كامل الاقساط في عيادة جذور الاسنان
والمشكلة يقول الاسنان ماتصلحت الا٧٠ في المية فقط
وانا ملاحظة انو باقي محتاج تقويم ولسا ماتعدل
والدكتور هذا كأنه مو فاهم شي
وطلب منا ندفع رغم انا خلصنا الاقساط
قال انو حصلهم مشاكل في عيادة جذور الاسنان وطردوهم
طيب انا اش ذنبي وفلوسي اللي دفعتها وحقوقي
اتمنى من اللي كانوا يراجعوا في العيادة ويعرفوا كيشور واتورطوا زيي
ينوروني
احس اني ضايعة
لاويقول ارجعوا لمدينتكم وروحوا لاي عيادة وخلوه يتابع الحالة
ياسلام حلوه هذي
طبعاً اكيد بيرفض يشتغل شي مو شغله
ويمكن مافي تقويم شفاف
واكيد بيطلب فلوس
طيب اش الحل ابغى افهم

اتمنى القى وقفة صادقة مثل ماتعودنا من صديقاتنا في هذا الموقع العزيز والغالي